Ministra Solidariedade Sosiál no Inkluzaun em Substituisaun, Atuál Sekretária Estadu Igualdade (SEI), Elvina Sousa Carvalho, hato’o mensajen no parabeniza komunidade Ema ho Difisiénsia (EhD), ne’ebé selebra Loron Mundial EhD iha Timor-Leste. Mensajen felisitasaun ne’e, Ministra Em Substituisaun hato’o iha Palásiu Prezidente Aitarak-Laran Dili, Tersa-feira (02/12/2025).

“ami konvida ita hotu hola parte iha eventu importante ida-ne’e, hodi partilla hanoin nune’e bele kontribui ba prosesu dezenvolvimentu Timor-leste nian, foku ba área inkluzaun defisiénsia,” katak Ministra Em Substituisaun MSSI.

Iha selebrasaun ne’e organiza husi Asosisaun Defisiénsia Timor-Leste (ADTL) ne’ebe mak marka prezensa husi Diretór Ezekutivu ADTL, Cesário da Silva, Diretór Jerál Protesaun Sosiál , Florêncio Pina Dias Gonzaga, Reprezentante Prezidente Repúblika Xefi Casa Civil, Jesuína Gomes, Ministériu Saúde, Ministériu Justisa, Organizasaun Mundiál Saúde, Reprezentante Embaixadora Austrália iha Timor-Leste, Reprezentante Prezidente Autoridade Munisípiu Díli organizasaun oioin husi ema defisiénsia no media sira.