Vise-Ministra Solidariedade Sosiál no Inkluzaun, Céu Brites hato’o diskursu iha abertura Forsa Tarefa Globál (GTF) kona-ba Protesaun Sosiál ba Nutrisaun ho Tema “Aprendizajen no troka koñesimentu entre nasaun sira kona-ba Protesaun Sosiál Sensivel ba Nutrisaun”

Timor - Leste nia vizaun ba luta hasoru hamlaha no malnutrisaun mai husi inisiativa husi Prezidenti José Ramos-Horta, ne’ebé sujere ba kriasaun Forsa Tarefa Globál, nia hateten katak “from the womb to the tomb” – husi inan nia knotak ba to’o mate - ema hotu-hotu iha direitu ba moris ho dignidade, seguransa alimentar no nutrisaun di’ak.” dehan Vise-Ministra MSSI.

Iha Sesaun Abertura ne’e partisipa husi Senadora Rubina Khalid Xefia ba BISP Pakistaun, au mesmsu tempu hato’o mós nia diskursu ba abertura.

Iha aprezentasaun kona-ba Jornda ba Dezenvolvimentu programa BdMK SANUTRIO no Jornada Aprendizajen ho BISP Pakistaun, Vise Ministra MSSI hateten “Viajen Timor-Leste nian ba kombate malnutrisaun no ra’es-badak mai husi servisu koletivu. Husi enkontru ohin loron ida-ne'e konsolida kompromisu nasional liuhusi Ministériu Solidariedade Sosiál no Inkluzaun (MSSI) hodi tau iha asaun konkretu ho asisténsia tékniku husi WFP ne’ebé hetan apoiu orsamentu husi Banku Aziátiku ba Dezenvolvimentu (ADB), no ho apoiu katalítiku husi Fransa, fasilita MSSI hodi halo preparasaun ho di’ak ba implementasaun programa Bolsa da Mãe – Kondisional ba Saúde Nutrisaun Inan no Oan (BdMK SANUTRIO) ne’ebé sei implementa iha tinan 2026; programa ne’e hanesan pilotu ida dezignadu ba benefisiáriu sira: inan isin-rua, inan fó-susu no labarik ho idade husi tinan 3 mai kraik. No programa ne’e sei implementa uluk iha munisípiu 3: Covalima, Ermera no RAEOA”.

Delegasaun sira ne’ebé partisipa iha Forsa Tarefa Globál ba Protesaun Sosiál ba Nutrisaun iha Pakistaun ne’e mai husi nasaun: Pakistaun, Timor – Leste, Cambodia, Nepal, Lao, Bangladesh no Niger, inklui WFP rasik no ADB.