Dili, 02 Dezembru 2025

Sua-Exelénsia Ministru bá Asuntus Kombatentes Libertasaun Nasionál, Gil da Costa Monteiro “Oan Soru”, ho Sua-Exelénsia Sekretáriu Estadu Veteranus (SEV), Cesar dos Santos da Silva “Merak”, hala’o reuniaun konsultivu bá semestre ikus tinan fiskál 2025 nian iha sala enkontru gabinéte MAKLN, Comoro-Dili, Tersa (02/12/2025).

Reuniaun konsultivu ne’e envolve diresaun kargu no Xefia sira iha Ministériu bá Asuntus Kombatentes Libertasaun Nasionál (MAKLN), hodi haree hamutuk bá iha progresu atividade sira no ezekusaun bá orsamentu jerál estadu tinan 2025 nian ne’ebé alokadu bá ministériu ne’e.

Iha okaziaun ne’e Ministru “Oan Soru” kontinua enkoraza kargu Xefia sira atu hala’o servisu ho responsábilidade no tuir leis.

Xefia sira ne’ebé partisipa iha reuniaun konsultivu ne’e mak hanesan, Diretór jerál bá Asuntu Kombatentes Libertasaun Nasionál (ACLN-sigla Português), Joaquim Carvalho de Araújo “Laletek”, Diretór jerál bá asuntu Administrasaun no Finansas (DG-AF), Osório Bianco Ximenes de Araújo, Diretóra Finansas, Rosa da Costa Gomes, Diretór Direcção Nacional Gestão Patrimônio História e Programa (DNGPHP), Agapito de Araújo.

Xefe Gabinéte MAKLN, Nilton Ximenes das Neves, Xefe Gabinéte SEV, Abríl Borges, Diretór Aprovizionamentu, Amânçio Marques, Diretór Rekursu Umanus, Celio Sarmento, Inspetór Gabinéte Inspesaun no Auditória (GIA), Aniceto Brites, Sub-Inspetóra bá Asuntu Auditória Interna, Lígia Maria Fátima Santos, Sub-Inspetór bá Asuntu Investigasaun, Francelino Sarmento Martins, Xefe Protokólu, Angelito Duarte da Silva, Asesór Legál, Alcino Soares Gomes, Asesór Diógo Fraga Neto, Asesór Tékniku sira Internasionál nian ho Enjiñeiru José Cornélio Amaral.