Ermera, 02 Dezembru 2025.

S.E. Ministru Planeamentu no Investimentu Estratejìkù, Eng. Gastão Francisco de Sousa. Halo abertura bá "Projeto do Plano de Uso do Solo Urbano de Gleno" no Partisipa mós husi PAM Ermera, Reprezentante Ministériu Estatal, Reprezentante Ministériu Obras Publikas no Komandu PNTL Munisípiu Ermera.

Husi Sua Exelénsia Ministru Planeamemtu no Investimentu Estratejíku Eng.Gastão Francisco de Sousa : Hakarak fó hanoin ita hotu katak futuru bá ita nia sidade labele hari'i husi planu, mapa ka investimentu sira de'it. Ita hari'i ho ema, partisipasaun ativa kada família, kada suku no kada sidadaun ne'ebé iha fiar bá nia rai ida di'ak liu. Planeamentu urbanu la'os deit prosesu tékniku dokumentu ida deit, nia ezije vizaun no ita hotu nia partisipaun tanba ida ne'e kompromisu koletivu bá Timor-Leste nia futuru.

Ohin loron, ha’u hakarak reforsa katak Estadu, liu husi Ministériu bá Planeamentu no Investimentu Estratéjiku, konsolida hela abordajen foun ida bá planeamentu urbanu ne'ebé mak inkluzivu, transparente no besik liu bá komunidade. lta hakarak planu sira ne'ebé tuir duni realidade lokál, ne'ebé mak respeita no valoriza ita nia kultura, responde bá nesesidade konkretu husi komunidade no garante sidade ne'ebé mak seguru, reziliente no organizadu liu.

Ma'ibe kualker planu sei la iha impaktu wainhira hala'o de'it husi governu tanba ne’e, ha'u hakarak hato'o apelu klaru ida : favor ita hotu partisipa, envolve iha konsulta públika, fó imi nia hanoin ka vizaun mai no hato'o preokupasaun hirak mak iha. Komunidade mak parte esensiá iha prosesu ida ne'e. lta nia lian, ita nia kofesimentu lokál no ita nia esperiénsia lor- duni no duru. Ita hotu nia partisipasaun, PUSO Gleno ne'e sei sai forte liu no efikaz liu tan. Loron maka sai esensiál atu ajuda identifika dezafiu no kontribui ho solusaun sira ne'ebé realista imi ninia kofesimentu lokál maka ita bele foti desizaun ida di'ak liu no garante katak investimentu públiku hotu hatan duni bá realidade iha kada suku no kada munisípiu.

MPIE iha ha’u nia lideransa, sei kontinua servisu ho rigor tékniku ho kooperasaun internasionál no ho responsabilidade estratéjika. Ma'ibe investimentu bo'ot liu mak ida ne'e: servisu hamutuk ho povu, iha kazu ida ne'e ho Ermera oan sira.

Hamutuk, ita bele transforma kapitál Gleno sai espasu ida ne'ebé fó oportunidade, dignidade no reziliénsia hodi reflete identidade povu Ermera nian no vizaun estratéjika husi ita nia nasaun.

Média MPIE