Ministra Solidariedade Sosiál no Inkluzaun Sra.Verónica das Dores ho delegasaun Timor-Leste hala'o enkontru bilateral ho Ministro da Família, Inclusão e Desenvolvimento Social Cabo Verde Dr.Fernando Elísio Freire iha edifísiu MFIDS (2/12/2025).

Objetivu husi enkontru ne'e partilha esperiénsia no polítika integradu entre governu Timor-Leste no Cabo Verde adapta, hodi konsolida baze ba akordu koperasaun atu reforsa formasaun Profisionál iha área seguransa sosiál.

Mellora liután esperiénsia no boas prátikas kona-ba monitorizasaun, fiskalizasaun no implementasaun medida protesaun sosiál ba movimentasaun traballadór, tratamentu justu, protesaun laboral no inkluzaun seguransa sosiál hodi garante bein estar ba traballadór imigrante sira.

Iha Okaziaun ne'e Ministra Solidariedade Sosiál no Inkluzaun Sra.Verónica das Dores reafirma liután "Timor-Leste konsidera Cabo Verde hanesan País Irmão nomós membru CPLP, sei kontinua reforsa Kooperasaun nebe armoniza medida protesaun ba traballadór imigrante sira no direitus laboral".

Entretantu parte rua promove liu tan diálogu kona-ba fortalesimentu polítika dezenvolvimentu sosiál no medida efetiva ba estabelesimentu parseria futura hodi implementa inisiativa hamutuk iha área inkluzaun sosiál no fortalese rede solidariedade, nomós protesaun ba grupu vulnerável sira.