Selebrasaun Loron Mundiál ba Ema ho Defisiénsia-EhD iha Munisípiu Manufahi hahú ho Misa agradesimentu ba inkluzaun defisiénsia, ne’ebé prezide husi Reverendisimu Pe. Albino Marques, iha Igreja Nossa Senhora de Assunção-Same, Kuarta-feira (03/12/2025). Hafoin Misa kontinua ho Marsa inklusivu hahú husi Igreja hamutuk Diretór Jerál Servisus Koorporativus, Fernando dos Reis, ho Autoridade Munisipál no maluk difisiénsia sira inklui sira nia família akompaña ho Drum Band, ba to'o Salaun Paroquial Nossa Senhora de Assunção-Same hodi kontinua hala’o animasaun no selebra loron mundiál ba EhD to’o remata.

Selebrasaun Loron Mundiál ba EhD ba tinan 2025 ho tema Mundiál "Haburas Sosiedade Ne’ebé Inkluzivu ba Defisiénsia Hodi Avansa Progresu Sosiál" no tema Nasionál “Implementasaun Planu Asaun Nasionál-PAN ba Ema ho Defisiénsia-EhD 2021-2030 no CRPD (𝘊𝘰𝘯𝘷𝘦𝘯𝘵𝘪𝘰𝘯 𝘰𝘯 𝘵𝘩𝘦 𝘙𝘪𝘨𝘩𝘵𝘴 𝘰𝘧 𝘗𝘦𝘳𝘴𝘰𝘯𝘴 𝘸𝘪𝘵𝘩 𝘋𝘪𝘴𝘢𝘣𝘪𝘭𝘪𝘵𝘪𝘦𝘴) Iha Nivel Hotu-Hotu, Mak Xavi ba Timor-Leste Hodi Avansa Progresu Sosiál no Haburas Inkluzaun Defisiénsia".

Iha selebrasaun ne’e, Diretór Jerál Servisus Koorporativus-DJSK, Fernando dos Reis, hato’o Mensajen hosi Ministra Solidariedade Sosiál no Inkluzaun ba Selebrasaun Loron Mundiál Ema ho Defisiénsia-EhD Iha Timor-Leste.

Partisipa iha Selebrasaun ne’e mak, Sekretáriu Estadu Ensino Sekundáriu Jerál no Ensino Sekundáriu Tekniku-Vokasionál, Domingos Lopes Lemos, Prezidente Autoridade Munisípiu-PAM Manufahi, Luis Marçal da Costa Tavares, Administradores Postus Munisípiu Manufahi, Komandante PNTL no Komandante F-FDTL Munisípiu Manufahi, Padre, Madre, Reprezentante Veteranus, Komunidade inklui Estudante sira.