𝐋𝐈𝐐𝐔𝐈Ç𝐀, 𝟑 𝐃𝐄𝐙𝐄𝐌𝐁𝐑𝐔 𝟐𝟎𝟐𝟓 — Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, kuarta ne’e hamutuk ho Komunidade no instituisaun relevante sira hala’o misa agradesimentu hodi marka selebrasaun Loron Mundial ba Ema ho Defisiénsia iha Timor-Leste.

Misa ne’e hetan partisipasaun husi reprezentante governu, organizasaun sosiedade sivil, estudante no família boot defisiénsia iha Munisípiu Liquiça hodi reza hamutuk, husu grasa no fó apresiasaun ba kontribuisaun ema ho defisiénsia iha dezenvolvimentu nasionál.

Iha Omilia, Amu Paróquia São João de Brito Liquiça, Padre Natalino Verdial de Souza Gama, konsidera loron importante ne’e hanorin ema hotu atu kontinua fó valorizasaun, oportunidade no inkluzaun ba ema hotu-hotu, laiha diskriminasaun.

Partisipante sira mós kontente tanba atividade ne’e ajuda fó konsiénsia no reforsa solidariedade entre komunidade, hodi garante ema ho defisiénsia sei hetan direitu hanesan.

Selebrasaun ne’e kontínua ho komboiu, programa sosialisasaun no atividade dansa kultura.