Venilale, 02 Dezembru 2025| 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, Terça-feira ne'e Hala'o Observasaun diretamente ba Viveirus Komunitária husi Grupu Maluloki, dadaun ne'e produs ai-oan hamutuk 1.847 pes iha Suku Wailaha, Postu Administrativu Venilale, Munisípiu Baucau.

Objetivu husi vizita trabalhu ida ne'e atu hare diretamente progresu servisu dezenvolvimentu Viveirus Komunitária husi Grupu Maluloki, dadaun ne'e produs ai-oan ba funsaun ai-komersial, ai-oan ba konservasaun, ai-oan ba ai-urbana no ai-fuan. Entre ai oan sira ne'e sei fa'an ba parseiru dezenvolvimentu no NGO sira hotu, inklui Komunidade sira ne'ebé presija atu kuda iha sira nia plantasaun rasik, no bele kuda mós iha área urbana, área kritiku sira nune'e bele konserva rai.

Iha observasaun ba Viveirus Komunitária husi Grupu Maluloki hahú eziste iha fulan janeiru tinan 2025, no dadaun ne'e produs ai-oan espesiais, Ai-kakeu hamutuk 20.000 pes, Ai-Lamtoro 1.500 pes, Nu'u hamutuk 2.000 pes, Coklat, 1.500 pes, Sabraka grafting 2.700 pes, Ai-Mahoni, 2.500 pes, Kurma 315 pes, Zambua 1.800 pes, Ai-ata 750 pes, Vitiberes-4.000 pes, Salak 350 pes, no hamutuk ho Ai-funan sira seluk ho hahú bibit ho Ai-kamel oan.

Ministério da Agricultura, Pecuária, Pesca no Florestas (MAPPF), liu husi Secretário de Estado das Florestas(SEF) iha kompromisu atu kontinua promove jestaun floresta sustentável, Reflorestasaun, no inisiativa Agro-floresta hodi proteje ita-nia rekursu naturál enkuantu hadi’a Seguransa ai-han no Bee.

Ai-laran ne'ebé saudavel fornese servisu esensiál sira ne'ebé suporta agrikultura, hanesan mantein Saúde rai nian, regula Bee-matan sira, kria oksigene ne'ebé fresku no hametin reziliénsia klimátika. Se’e laiha ai-laran ne'ebé Saudavel maka ita mós sei lakon asesu ba Bee-moos no produsaun ai-han ne’ebé la sustentável.

Tanba ne'e bazeia ba polítika IX Governo Constitusional, liu husi Secretario de Estados das Florestas, kontinua dezenvolve Sentru Viveiros Komunitária no Viveirus Permanente hodi fahe ai-oan ba Komunidade sira atu kuda iha sira nia plansaun no fatin turizmu no eskritóriu sira.