Díli: 02 Dezembru 2025___ Sua Exelénsia Sekretária Estadu ba Igualdade-SEI, nu'udar Interina Ministra Solidaridade Sosiál no Inklusaun (MSSI), Elvina Sousa Carvalho, ohin iha Palasiu Presidente Nicolau Lobato Dili, hato’o mensajen badak iha selebra loron Mundiál Ema ho Difisiénte nian, ne’ebé organiza husi Asosisaun Defisiénsia Timor-Leste (ADTL).

Iha Selebrasaun loron importante ema ho Difiensia, Sua Exelénsia Sekretária Estadu ba Igualdade-SEI no Interina Ministra Solidaridade no Inklusaun hato'o katak, selebrasaun ne’e parte ida hodi hasa'e konsiénsia kona-bá Efisiénsia direitu ema ho difiénsia hodi asesu ba prestasaun servisu sira hotu hanesan ho sidadaun sira seluk tanba ho Selebrasaun ne’e nu’udar parte ida hodi halo advokasia ba bareira sira ne’ebe mak kontinua halo diskriminasaun ba limitasaun partisipasaun ema ho difiénsia sira tanba Ema ho Difiensia sira iha direita hanesan ho sidadauk sira seluk.

Ho selebrasaun ne’e Sua Exelensia ho orgullu tebes hodi hamutuk ho maluk difiensia sira no Sua Exelensia husu ba publiku atu hapara ona diskriminasaun hasoru ema ho difisiensia sira iha Timor-Leste.

Iha selebrasaun ne’e marka prezensa husi Diretór Ezekutivu ADTL, Cesário da Silva, Diretór Jerál Protesaun Sosiál , Florêncio Pina Dias Gonzaga, Reprezentante Prezidente Repúblika Xefi Casa Civil, Jesuína Gomes, Ministériu Saúde, Ministériu Justisa, Organizasaun Mundiál Saúde, Reprezentante Embaixadora Austrália iha Timor-Leste, Reprezentante Prezidente Autoridade Munisípiu Díli nomor organizasaun oioin husi ema defisiénsia sira iha Timor-Leste.

Fontes: https://www.facebook.com/share/p/1BsACkUpyj