Dili, 04 Dezembru 2025

Ministru Transportes no Komunikasaun, Eng.Miguel Marques Gonçalves Manetelu, kinta ohin partisipa terseira reuniaun Koordenasaun liña ministeriál ASEAN iha salaun Nobre Ministériu dos Negosiu Estranjeiru.

Reuniaun ne’e abertura husi Primeiru- Ministru Kay Rala Xanana Gusmão, partisipa iha reuniaun ne’e, membru governu, kargu Diretór Jerál liña ministeriais nomos entidade estadu sira.

Prosessu ne’ebé maka naruk, iha loron 26 Outubru 2025 iha Kuala Lumpur, Malaysia, Timor-Leste formalmente adere bá iha ASEAN.

Ba oin Timor-Leste tenke halo esforsu maka’as atu estipula objetivu, defini meta sira nó kalendarizasaun hodi bele atinji.

Komprimisiu ne’ebé maka estabelese ona ho organizasaun refere implika esforsu bo’ot ne’ebe maka kontinua nafatin no koerente ho objetivu sira rasik bá Dezenvolvimentu Nasionál.

Nune’e iha reuniaun ne’e importante atu liña ministériu sira halo servisu di'ak atu atinji ho nian objetivu, tanba nu'udar membru bá ASEAN iha oportunidade no iha mós dezafiu.

Nu’udar membru ASEAN Komesa bá oin haree forsa traballu, presiza haree asuntu barak iha liña ministeriais sira, liu-liu akordu ne'ebé aprovadu iha simeira ASEAN nia barak tebes presiza haree no akordu sira ne’ebé iha nivel ministru sira nia ho nivel som sira nia veinkultivu oinsá mak Timor-Leste implementa ho nune’e kontribui bá iha interese rejiaun nia.

Hanesan membru ASEAN hakarak ka lakohi iha resposabilidade bá iha asaun konkreta sira, hodi asegura akordu sira ne'ebé mak Timor-Leste hola parte.

Benefísiu husi akordu ne’e bainhira kuandu Timor-Leste implementa kompremisiu sira ne’e.

𝐌𝐞́𝐝𝐢𝐚 𝐌𝐓𝐊