Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, kinta ne’e partisipa iha reuniaun koordenasaun interministerial ASEAN ba datoluk, iha Salaun Nobre Ministério dos Negócios, Estrangeiros e Cooperação (MNEC).

Iha reuniaun ne’e, Lidera direta hosi Primeiru-Ministru, Kay Rala Xanana Gusmão, no hetan partisipasaun másimu hosi Membru Nonu Governu Konstitusionál.

Reuniaun ne’e konsidera importante tanba Timor-Leste foin de’it simu adezaun formál ba Association of Southeast Asian Nations (ASEAN) iha loron 26 Outubru 2025, iha Kuala Lumpur, Malázia.

Tanba ne’e Governu halo esforsu atu define objetivu, meta no planu hodi bele tuir obrigasaun sira ne’ebé ASEAN husu, Nune’e mós bele aliña ho planu dezenvolvimentu nasionál.