Manufahi, loron 03 fulan Dezembru 2025

Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos partisipa iha selebrasaun loron Mundiál ema ho Difisiénsia iha salaun Parókia Nossa Senhora de Assunção Same.

Iha diskursu Sua Exelénsia Sekretáriu ESJ-ESTV Sr. Domingos Lopes Lemos hateten, ohin iha Same, selebra la’ós de’it loron simbóliku ida, maibé reafirma kompromisu koletivu ba dignidade, inkluzaun no direitu ema ho defisiénsia sira nian iha setór hotu-hotu moris nasionál nian liuliu iha edukasaun.

"Ha'u ’u rekoñese katak inkluzaun hahú iha sala-de-aula sira. Iha- ne'ebá maka harii sosiedade ida ne'ebé justu liu, iha-ne'ebé estudante ida-idak — la haree ba sira-nia abilidade iha direitu atu aprende, buras no kontribui ba dezenvolvimentu nasaun nian. Ami-nia misaun klaru atu garante katak eskola sekundária sira iha Timor-Leste sai espasu sira ne’ebé asesivel,.preparadu atu hatán ba nesesidade oioin hosi ami-nia foin-sa’e sira", katak

Selebrasaun loron Mundiál ema ho Difisiénsia ne’e partisipa husi Diretór Ministériu Solidariedade sosiál no Inkluzaun, Prezidente Autoridade Munisípiu Manufahi, Diretora serbisu Edukasaun Munisípiu Manufahi, Komandante Polisia, F-FDTL, Autoridade lokál, grupu ema ho Difisiénsia, estudante no inan-aman sira.