Kampaña ne'e ho objetivu atu promove importánsia hodi envolve adolexente no foin-sa'e sira iha partisipasaun sívika.

Diretor Nasional ba Dezenvolvimentu Juventude, Ministeriu Juventude, Desportu, Arte no Kultura, Sr., Firminio Dias Quintas, iha abertura saliente katak “ Objetivu husi Partisipasaun Sivika maka atu promove no enkoraza sidadaun hotu, inkui foin sae sira atu ativu involve aan iha atividade positivu iha sirania komunidade, no mos kria impaktu positivu ba sira nia sosiedade”.

Soumen Ray, Xefe Planeamentu, Monitorizasaun, Avaliasaun no Politika Sosial UNICEF nian, hateten "Adolesenti no foin-sa'e sira ho idade tinan 10-24 reprezenta 33 pursentu husi populasaun Timor-Leste nian no grupu ida-ne'e iha potensialidade másimu hodi kontribui ba kreximentu sosio-ekonomiku agora no iha futuru iha Timor-Leste. Ita tenke asegura katak sira partisipa iha prosesu foti desizaun iha nivel hotu-hotu."

Durante eventu ne'e, orador foin-sa'e sira mos fahe infomasaun ligadu ho benefísiu no abilidade sira ne'ebé sira hetan liuhusi envolvimentu ativu iha atividade oioin. Sira mós temi oinsá sira hetan ona abilidade no koñesimentu liuhusi partisipasaun sívika, no oinsa benefisiu hirak nee kontribui ona ba sira-nia karreira pesoál no profisionál.

Adolexente no foin-sa'e liu 50 mak partisipa iha kampanha nee, no sira mai husi eskola haat iha Munisipiu Dili. Sesaun sensitizasaun hanesan kona-ba Kampana Partisipasaun Sivika Adolesenti sei kontinua organiza iha munisípiu Dili, Ermera no Bobonaro, hahú husi fulan Outubru - Novembru 2024.

Projetu ne'e hetan apoiu husi @dfat.gov.au nia #ANCP.

--------------------------------------------------------