04 Dezembru 2025: Ministra Saúde (MS) dr. Élia A.A. dos Reis Amaral, SH hamutuk ho Vise-Ministru ba Fortalesimentu Institusionál Saúde (VMFIS) Sr. José dos Reis Magno partisipa iha reuniaun da-3 koordenasaun interministeriál kona-bá Asosiasaun Nasaun Sudeste Aziátiku (ASEAN), ne'ebé lidera hosi Primeiru-Ministru (PM) Kay Rala Xanana Gusmão, iha Salaun, Ministériu Negósiu Estranjeiru no Kooperasaun (MNEK), Pantai-Kelapa, Dili.

Objetivu hosi reuniaun ida-ne'e hodi diskute no koordena asaun sira ne'ebé atu implementa bazeia ba kompromisu sira ne'ebé Timor-Leste (TL) hala’o ho ASEAN, liuhosi prosesu naruk ida ne'ebé remata ho entrada formál TL ba ASEAN iha loron 26 Fulan Outubru tinan 2025, iha Kuala Lumpur, Malázia.

Partisipa iha reuniaun ne’e mak Vise-Primeiru Ministru, Ministru Koordenadór ba Assuntu Sosiais, Eng. Mariano Assanami Sabino, Membru Governu da-9, Mídia no Seluk-seluk tan.

#MídiaPalácioDasCinzas