Díli-Kinta, 04/12/2025, S.E. Ministra Finansas Sra. Santina José Rodrigues F. Viegas Cardoso Ho Vise-Ministra Finansas Sra. Felícia Claudinanda Cruz Carvalho akompaña husi Komisáriu Autoridade Aduaneira Joanico Pinto partisia Reuniaun Koordenasaun Interministerál ba Dala III, atividade reuniaun hala’o iha salaun MNEK, Praia dos Coqueiros.

Reuniaun kooordenasaun nivél interministerial ne’e lidera husi Primeiru-Ministru (PM), Kay Rala Xanana Gusmão kona-ba Timor-Leste sai membru ba Association of Southeast Asian Nations (ASEAN) ba dala-III

Reuniaun extraordinariu ne’e, hetan prezensa husi Membru Governu ho dirijente sira mai husi ministériu relevantes hodi hametin koordenasaun partisipasaun ativu Timor-Leste (TL) nian nu‘udár membru plenu bá ASEAN iha loron 26 fulan Outubru 2025 iha Kuala Lumpur, Malázia.

Membru Governu sira diskute kona-ba integrasaun iha estrutura sira ASEAN nian, subliña importánsia hosi pontu fokál sira ne'ebé dezignadu, kapasitasaun, reforsu rekursu umanu, no kriasaun Unidade no Koordenadór sira ASEAN nian iha ministériu hotu-hotu.

Medida sira ne’e ho objetivu atu garante koordenasaun, reprezentasaun, no salvaguarda interese Timor-Leste nian ne’ebé efetivu iha atividade hotu-hotu ASEAN nian.

Fontes: https://www.facebook.com/share/p/1D7K5jsxs7