8 Dezembru 2025

Vise Primeiru Ministru Ministru Koordenador Assuntu Ekonomiku, Ministru Turismu no Ambiente Dato' Seri Francisco Kalbuadi Lay atual Prezidente Comite Olimpic Nasional Timor Leste (CONTL) hamutuk ho atleta sira partisipa seremonia abertura SEA GAMES tinan 2025 iha Thailandia foin lalais.

Seremonia abertura sei hala’o ofisiálmente iha 9 Dezembru 2025, no kompetisaun sei kontinua to’o 20 Dezembru 2025. Tinan nee, host ba Asia Sudeste mak fó ba Bangkok no Chonburi hanesan sentru ativu ba modalidade sira.

SEA Games 2025 konsidera nudar eventu desportivu boot liu iha rejiaun, ho total 50 modalidade no liu-liu 574 medalha ouro sei hadau malu husi atleta sira neebe kompete, SEA GAMES tinan nee partisipa kuaze husi membru ASEAN hanesan Timor-Leste, Indonesia, Filipina, Malaysia, Singapura, Vietnam, Laos, Cambodia, Myanmar, Brunei, no Thailandia hanesan uma nain

Maibe tuir komisqun Organizadóra konfirma katak sei iha mudansa balun tanba akontese inundasaun iha parte Sul Thailandia nebee mak fó impaktu ba planu orijinál hodi uza munisípiu Songkhla. Tan nee, modalidade balun translada ba Bangkok no Chonburi atu halo seguro ba atleta sira no evitadu atrasu iha programasaun.

SEA Games tinan 2025 ho esperansa ida atu hadia relasaun solidariedade entre povu ASEAN liu husi desportu, ao mesmo tempo fó espasu ba atleta sira atu prova kapasidade no hamoris fali espiritu desportivu rejiaun nian.