Dili, 04 Dezembru 2025 - Sekretáriu Estadu Terras no Propriedades (SETP), Sr. Jaime Xavier Lopes, M.Eng., partisipa terseiru reuniaun koordenasaun interministerial kona-ba ASEAN, ne'ebé diriji hosi Primeiru Ministru (PM) Kay Rala Xanana Gusmão iha Edifísiu Ministériu Negósiu Estranjeiru no Kooperasaun (MNEK), Pantai-Kelapa.

Objetivu reuniaun ida-ne'e atu diskute no koordena asaun sira ne'ebé atu implementa bazeia ba kompromisu sira ne'ebé Timor-Leste halo ho ASEAN, liu husi prosesu naruk ida ne'ebé remata ho entrada formál Timor-Leste ba ASEAN iha loron 26 de outubro 2025, iha Kuala Lumpur, Malázia.

Iha reuniaun ida-ne'e, membru governu sira halo diskusaun foku liubá objetivu no meta sira ne'ebé sei atinji, no mós kalendáriu ba implementasaun asaun sira ne'ebé sei reforsa koordenasaun no kooperasaun entre Timor-Leste no ASEAN.

Nune'e reuniaun ne'e sai oportunidade ida ba Timor-Leste atu hatudu komitmentu no vontade forte hodi sai membru ida ne'ebé atívu iha rejiaun no mós hatudu ba mundu katak Timor sei serbisu maka'as hodi dezenvolve nasaun no povu.

Mídia SETP

Fontes: https://www.facebook.com/share/p/1Dg6UMQCWy/