05 Dezembru 2025: Ministra Saúde (MS) dr. Élia A.A. dos Reis Amaral, SH partisipa iha enkontru Extraordináriu Konsellu Administrasaun Fundu Infrastrutura (KAFI) ne’ebé maka prezide husi Ministru Planeamentu Investimentu no Estratéjiku (MPIE) Eng. Gastão Fransisco de Sousa, iha Sala enkontru Gabinete Ministru MPIE, Fatuhada, Dili.

Iha diskusaun, MS aprejenta pedidu aprovasaun no autorizasaun despezas ba projetu sira hanesan tuir mai;

Akizisaun materiál ba unidade intensivu pediátriku no koronáriu foun husi Ospitál Nasionál Guido Valadares (HNGV) no mós konstrusaun Postu Saúde foun no rezidénsia médiku iha Suku Luca, Postu Administrativu Viqueque Villa, Munisípiu Viqueque.

Iha enkontru extraordináriu KAFI ida-ne’e hodi halo aprovasaun ba iha ajénda ne’ebé teknikamente tenke diskute iha nivel pre-KAFI aprovasaun ajenda bazeia ba assuntu importante sira ne’ebé nesesita desizaun imediata husi KAFI ba koordenasaun, diskusaun tékniku no mós dokumentus justifikativu sira husi projetu na’in.

Partisipa iha reuniãun refere mak hanesan; Ministru Obras Públikas Sr. Samuel Marçal, Ministru Agrikultura Pekuária Peskas no Florestas Sr. Marcos da Cruz, Ministru Administrasaun Estatal Sr. Tomas Cabral, Ministra Finansas Sra. Santina José Rodrigues F. Viegas Cardoso, Ministru Interior Sr. Francisco da Costa Guterres, Ministru Transportes no Komunikasaun, Eng. Miguel Marques Gonçalves Manetelu, Dirigentes Instituisaun Autónomas no Tékniku PMU sira.

#MídiaPalácioDasCinzas