Serimónia ne’e sai parte ida husi kultura Programa Mobilidade Laborál (PALM), liu-liu iha prosesu mobilizasaun. SEFOPE-DNEE sempre realiza seremónia hanesan ne’e hamutuk ho trabálhadór no sira-nia família, molok sira sai ba Austrália.

Iha diskursu reprezentante SEFOPE nian, Diretór DNEE Sr. João Correia Pereira, hato’o parabéns no husu ba trabálhadór sira atu: Hatudu komportamentu diak no Halo planu investimentu ba futuru.

"Diretor enfaze katak : 'Ba trabálhadór sira, prosesu atu hola parte iha programa PALM laós fasil, Maibé ita boot sira hatudu imi-nia pasiénsia no kompromisu atu hola parte iha programa ida ne'e. Ita boot sira demonstra tiha ona imi-nia abilidade fiziku no abilidade seluk ne'ebé empregadór presiza. Parabéns ba ita boot sira hotu nia esforsu no pasénsia. Lori Governu Timor-Leste nia naran, hau enkoraja ita boot sira atu exekuta imi-nia kompromisu hanesan trabálhadór PALM ho seriedade, hatudu imi-nia performansa ne’ebé diak, no hahu kria imi-nia planu investimentu ba futuru imi-nia família, hodi bele ajuda dezenvolve ekonomia iha ita-nia rai'."

Seremónia ida ne’e hetan partisipasaun direta mós husi Kordenadór Labour Sending Unit (LSU) Sr. Elitério Borges D.S.C Lemos, no reprezentante sira husi Pacific Australia Labour Mobility Support Program (PLMSP).

Konklui seremónia refere, Diretór DNEE mós hato’o agradesimentu profunda ba Governu Austrália nia esforsu hotu hodi halo inisiativa programa PALM iha Timor-Leste sai posível no kontinua progredu to’o ohin loron.