𝐋𝐈𝐐𝐔𝐈Ç𝐀, 𝟕 𝐃𝐄𝐙𝐄𝐌𝐁𝐑𝐔 𝟐𝟎𝟐𝟓 — Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, domingu liubá partisipa atividade reflesaun iha ámbitu komemorasaun tinan 50 Invazaun Indonézia iha Timor-Leste.

Iha Suku Batuboro, Postu Administrativu Loes, Munisípiu Liquiça, sai lokál prinsipál ba realizasaun serimónia selebrasaun loron istóriku ne’e.

Selebrasaun tinan ne’e organiza hosi Prezidente Repúblika, Dr. José Ramos–Horta, ho tema: “Unidade nasionál mak garante sustentabilidade Estadu no Nasaun.”

Prezidente Repúblika, ofisialmente abertura atividade ne’e, ho partisipasaun husi membru Governu, membru Parlamentu, korpu Diplomátiku, veteranus, funsionáriu, estudante sira no komunidade lokál.

Reflesaun ne’e hala’o iha loron importante ida, ne’ebé marka invazaun Indonézia iha Timor-Leste iha 7 Dezembru 1975.

Iha okaziaun ne’e, veteranu sira partiha istória kona-ba rezisténsia no sofrimentu povu timor-oan, no atividade kultural sira mós anima programa ida-ne’e.

Atividade ne’e konsidera hanesan oportunidade importante atu hametin relasaun entre jerasaun foun no sira ne’ebé moris iha periódu invazaun, no meius atu kolabora hodi hadi’a unidade nasionál iha tempu agora no futuru.

Serimónia ne’e mós hetan seguransa másimu hosi parte Polísia Nasionál Timor-Leste (PNTL), liuliu Komandu Polísia Munisípiu Liquiça nian.