Díli, 05 Dezembru 2025||𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, Partisipa Lansamentu Kuda Au-oan iha Laletek Foho Matadoru, ne'ebé organiza husi Autoridade Munisípiu Díli hamutuk ho Instituto Bambu I.P. Eco-Green Bamboo. Serimónia Kuda Au-oan ne'e hala'o iha Residensia OKA Laran diak, Matadoru, Díli.

Lansamentu Kuda Au-oan iha Laletek Foho Matadoru ne'e Suporta husi 𝐎𝐊𝐀-𝐋𝐚𝐫𝐚𝐧 Diak ho tema "Mai Ita Hamutuk Hamatak Ita Nia Foho iha Cidade Dili" Hamutuk Hadomi ita Rain Ema ida Au-oan ida. Mitigasaun Erozaun, Proteksaun Kadalak oan no Konservasaun Floresta.

Intervensaun 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬, agradese ba inisiativa 𝐎𝐊𝐀-𝐋𝐚𝐫𝐚𝐧 𝐃iak ne'ebé servisu hamutuk ho Prezidente Autoridade PAM-Munisípiu Díli, no Diretór Ezekutivu Instituto Bambo ne'ebé realija Re-florestasaun kuda Au-oan iha Foho Matadoru atu bele konserva no proteje rai hodi nune'e udan monu rai, rai labele halai. Oka Laran diak nu'udar ezemplar ida ba komunidade no joven sira hotu ne'ebé iha Timor Laran tomak hodi banati tuir halo re-florestassun ba foho sira ne'ebé kritiku.

"Iha tinan hira liu ba kotuk 2022 mós Setór Floresta iha programa kuda ai ba foho lolon sira ne'ebé haleu kapitál Díli hahú husi Tasi-tolu to'o Kristu Rey, maibé ai oan sira ne'e hetan estragus husi animal no mós ema ne'ebé sunu rai hodi halo ai sira ne'ebé floresta kuda mate hotu no balun deit mak moris" dehan S.E.SEF.

Aleñde ne'e mós 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬, husu ba Komunidade hotu ne'ebé iha Timor Laran tomak iha tempu udan ne'e hakbesik an ba Diresaun Gerál floresta hodi husu ai oan ba kuda iha ita boot sira nia kintal no mós foho lolon sira ne'ebe kritiku ba rai halai, tanba atu kombate mudansa klimatika no proteje rai monu ne'e la'os governu nia responsabilidade mesak maibe responsabilidade mós ba Timor oan tomak.

"Oka-Laran diak sai ezemplu ba Emprezariu no Kompañia sira hotu ne'ebé iha inisiativa rasik hodi apoiu Governu dezenvolve ita nia rai. Apa Oka Laran diak ema ida ne'ebe iha responsabilidade moral hodi apoiu Governu hanesan liafuan balu hatete labele husu ba Governu saida mak Governu atu fo maibé husu ba ita nian saida mak ita halo ba nasaun Timor-Leste" dehan S.E.SEF.

𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬, informa ba Povu Timor-Leste tomak katak Governu iha programa hodi produs ai oan Tokon ida Kada Tinan maibe iha tinan ida ne'e ita menus finanseiru tanba ne'e ita produs deit 2.000 mill pes ai ba tinan ida nee hakarak foti ai oan hodi kuda hakbesik aan ba Viveirus sira tanba ita iha Viveirus Permanente Haat 4, Viveirus Permanente Maubara Likisa, Viveirus Permanente Pato Lautém, Viveirus Permante Ratahu Viqueque no Viveirus permanente Betanu Manufahi.

Partisipa iha serimonia Lansamentu Kuda Au-oan iha Laletek Foho Matadoru ne'e mak hanesan Apa Oka-Laran diak, Prezidente Autoridade PAM-Munisípiu Díli, Embaisador Indonesia, F.FDL, PNTL no komunidade sira hotu.