Inisiativa hosi realiza enkontru ne'e mak aprezenta progresu servisu levantamentu dadus ba projetu alargamentu estrada no levantamentu dadus uma-kain sira ne'ebé maka sei hetan impaktu husi projetu reordenamentu urbanu no expansaun Aeroportu Internasional Prezidente Nicolau Lobato.

Aleinde ne’e mós koalia kona-ba asuntu importante hanesan servisu ekipa hosi liña Ministerial sira: (1), liliu implementa regulamentu no planu urbanizmu atu kontrola konstrusaun uma no edifísiu sira iha dalan protokolu (dalan prinsipal sira) hanesan konstrusaun loja sira (andar) atu la bele didin ho kalen no dezeñu tenke hetan aprovasun hosi Ministeriu Obras Públikas. (2), estasionamentu liliu iha Dili, ba Autoridade sira, liuhusi DNTT (Diresaun Nasionál Transporte Terrestre) no PNTL (Polísia Nasional Timor-Leste), bele fó sansaun no aplika multa ba kondutór sira ne'ebé viola regra estasionamentu hodi para arbiru, objetivu hosi regulamentu sira-ne'e mak atu rezolve engarrafamentu, asegura sirkulasaun di'ak ba tránzitu, no kontribui ba reseita estadu liuhusi kobransa taxa estasionamentu.

Enkontru ne'e partisipa hosi; Diretora Jerál Toponímia no Organizasaun Urbana, Diretor-jerál Ministeriu Obras Públicas (MOP), Diretor-jerál Terras e Propiadades, Reprezentante Prezidente Autoridade Munisipiu Dili, Chefe Gabinete SEATOU, Diretor Nasional Toponímia (DNT), Diretor Nasional Servisu Organizasaun Urbana (DNSOU).

 Fontes: https://www.facebook.com/share/p/17pJTPKXQC