Raeoa, 03-12-2025—Diretóra Nasionál Dejenvolvimentu Igualdade Jéneru (DNDIJ-SEI), Sra. Olga da Costa Monteiro, akompaña husi Xefe Departamentu EEF-SEI, Sr. Henrique da Silva, reprezenta SEI hodi partisipa no sai Painel hodi partilla informasaun kona-ba Hakbiit Ekonomia Feto, iha Seremonia Forum no Feira Empreendedorismu ho tema, ‘’Hakbi’it Juventude Rurál sira, Liuhusi Treinamentu Abilidade ba Partisipasaun Ekonómika Feto (STEP) ne’ebé mak organiza husi UN-WOMEN servisu hamutuk ho Ministériu Edukasaun no hetan Suporta husi Reprezentante Konsellu Británia husi Programa ASEAN-UK SAGE, iha Salaun Eskola Tékniku Tékniku Vokasionál Palaban, Suku Kosta Postu Administrativu Pante Makasar, RAEOA.

Seremónia Forum refere abertura husi Diretora Jerál Ministériu Edukasaun, Sra. Odilia UNg Martins, ne’ebé mak reprezenta Ministra Saúde, Sua Exelénsia, Sra. Dulce de Jesus Soares, hamutuk ho reprezentante PAM RAEOA, Xefe UN-WOMEN iha Timor-Leste, no Reprezentante Konsellu Britania.

Iha seremonia Forum ne’e mós iha atividade Feira ne’ebé mak mai husi Estudante husi Eskola sira iha Suku Kosta rasik, no mós Kompetisaun entre Estudante sira kona-ba negosiu nian.

Seremónia Forum refere hala’o durante Loron rua no partisipa husi Parseiru sira husi Liñas Ministeriais, Sosiedade Sivíl, Prezidente AEMTL RAEOA, Prezidente AFR-RAEOA, Manorin Nain sira, no Estudante sira.

Fontes: https://www.facebook.com/share/p/1LvyrgBFdg/