Ermera, Loron 2 Fulan Dezembru Tinan 2025—Diresaun Nasionál Dezenvolvimentu Igualdade Jéneru (DNDIJ_SEI), Sr. Jose do Rosario de Carvalho, hamutuk ho Reprezentante Pezidente Autoridade Munisípiu (PAM) Ermera, Administradora Postu Administrativu Rai-Laco Munisípiu Ermera, Sra. Miceela dos S.Soares, Atuál Prezidente Asosiasaun Aliansa Feto Ermera (AAFE), hala’o abertura ba Seremónia Asina Akordu Entre Prezidente Asosiasaun Aliansa Feto Ermera (AAFE), ho Grupu Benefisiariu Fundus Hadulas Tinan 2025 iha Munisípiu Ermera, ne’ebé mak realiza husi Sekretaria Estadu ba Igualdade (SEI), iha Salaun Enkontu CNE Munisípiu Ermera.

Objetivu husi Seremónia Asina Akordu refere mak, Promove igualdade jéneru no oportunidade hanesan iha área servisu, Haforsa ekonomia feto sira ba subsisténsia liu husi autor-empregu, Fó oportunidade ba feto sira atu prátika no hatudu sira-nia abilidade, talento no kapasidade, Ekoraja feto sira atu organiza malu no servisu iha ekipa, Kontribui ba redusaun kiak liu husi partisipasaun feto sira iha dezenvolvimentu ekonómiku nasaun nian, no Hadi’a konfiansa feto sira atu asesu ba instituisaun mikro-finansas no asesu kreditu.

Reprejentante Diresaun Nasionál Dezenvolvimentu Igualdade Jéneru (DNDIJ_SEI), Sr. Jose do Rosario de Carvalho, iha nia intervensaun hatete, kada tinan Polítika Secretária Estadu ba Igualdade tau osan ho Naran Fundus transferensia publika mekanismu rotativa, iha tinan ida ne’e Munisipiu Ermera iha Grupu (15), maibe’e grupu lima mak hetan Oportunidade ohin asina akordu hamutuk ho Reprezentante Secretaria Estadu ba Igualdade sasin husi autoridade lokal Xefe Suku husi Postu ha’at no Nivel Munisipiu , no ba Ita bot sira sei asina akordu ho prezidente asosiasaun feto Munsipiu Ermera.

Reprejentante ne’e mos sublina liu tan, Grupu Benefisiariu lima ne’ebe maka selesionadu ka Hetan oprtunidade katak infiltra husi proposta Sanulu resin lima no lima maka konsege passa bazeia ba kriterias ne’ebe ami fo husi Nasional, katak proposta ne’e tenke hare liu Suku Prioridades.

Reprezentante ne’e mos Husu atu uztiliza didiak Osan ne’ebe Secretária Estadu ba Igualdade ofrese ba ita bo’ot sira maske montante ne’ebe ki’ik no labele hare montante, Hau hakarak enkoraja ita bo’ot sira, Servisu hamutuk, la’o hanesan ekipa, Servisu hamutuk hanesan ekipa mak xave ba susesu. Bainhira ita hamutuk, ita bele fahe ideia, fahe kbiit, no hamosu rezultadu nebe diak, Ekipa forte mak ema sira ne’ebé hakarak aprende hamutuk, suporta malu hodi atinji objetivu grupu.

Iha sorin seluk, Prezidente Asosiasaun Aliasa Feto Ermera (AAFE), Sra. Miceela dos S.Soares iha nia intervensaun hatete, iha Asina Akordu entre Asosiasaun Aliasa Feto Ermera (AAFE), ho Grupu Benefisiariu Lima iha tinan 2025 nian, proposta ida ne’e hatama husi Grupu Sanulu Serin lima, husi Postu Hotu iha Munisípiu Ermera, depois ita halo verikasaun ba iha ita boot sira-nia proposta, no ita haruka ba iha Nasional, rezultadu iha Grupu Lima de’it mak pasa.

Papel importante husi Asosiasaun nian mak, atu hare’e ba estabelesimentu grupu feto sira iha área oin-oin, Asosiasaun ne’e hanesan mahon ida, ne’ebé mak atu hamahon feto sira hotu, laos iha asuntu ida de’it maibe iha asuntu oin-oin hanesan, asuntu ekonómia, asuntu polítika, asuntu edukasaun, asuntu justisa, no asuntu barak tebes ne’ebé mak sai hanesan mahon ida hodi bele hamahon feto sira iha laran.

Grupu sira tenke koopera ho Asosiasaun hodi nune’e ami ho Pontu fokal SEI Atuál Seckretari Assunto Sosial nafatin akompaña ita bo’ot sira hodi nune’e bele atualiza ita boot sira nian progresu, dezafiu, atu nune’e ita bele fó solusaun ba malu, hodi nune’e bele kontribui ba oinsa hodi bele fó fila fali Fundus ne’e ba Grupu seluk, tamba grupu seluk mos Presiza hela.

Reprezentante Autoridade Munisipiu Ermera Sra. Miceela dos S.Soares hateten, ohin Grupu Benefisiariu sira rona ona informasaun badak ita nia reprezentante SEI Nasionál, oinsá nia Prosesu ita bo’ot sira atu hetan fundus oituan husi Governo Timor-Leste liuhosi Secretária Estadu ba Igualdade atu oinsá maka empodera nafatin Maluk Feto Sira atu bele hetan ekonomia sufsiente hodi bele asesu ba iha buat hotu ne’ebe ita hotu hakarak.

Hanesan orsamentu ne’ebe ohin koalia, orsamentu ne’e estadu nian ami hotu iha eperansa ba grupu ne’ebe sai manan nain ba tinan 2025 husi grupu sanulu resin lima, maibe’e iha lima mak sei hetan orsamentu refere nafatin husu ba ita bo’ot sira atu jere ho responsabelidade nune’e bele fó valór ekonómia liu-liu hadia ita nia ekonomia iha uma laran atu tau atensaun ba iha ita nia oan sira nia estudu.

Ita bo’ot sira hetan formasaun husi IADE lahanesan grupu sira seluk ne’ebe tinan hirak liu ba hetan fundus husi SEI maibe’e sira la hetan formasaun husi IADE hanesan ita bo’ot sira, no ikus grupu la susesu mak barak, maibe’e hau fiar katak ita bo’o sira sei hatudu komporatamentu diak liu sira, tan ita bo’ot sira hetan ona formasaun durante loron rua husi IADE.

Ita hotu jere osan, sekarik ita nia jestaun durante ne’e ladun diak nafatin hakbesik ba IADE hodi husu informasaun nune’e bele jere orsamentu oituan refere ho diak Husu nafatin ba feto maluk sira liu-liu oinsa maka bele hare ba oan sira nia eskola hetan nutrisaun ne’ebe diak atu bele asesu eskola sira tuir nesesidade ne’ebe iha.

Reprezenta husi Munisipiu ne’e hakarak hato’o liafuan sira ne’e atu enkoraja nafatin grupu sira ne’ebe sai benefisiariu utilija osan refere ho responsabelidade nune’e bele fó oportunidade ba nia feto maluk sira seluk iha tinan tuir mai inan sira bele hetan nafatin orsamentu husi Governo Timor-Leste.

Fontes: https://www.facebook.com/share/p/1ZYBLg379o/