Aileu, 02-12-2025—Reprezentante SEI, Funsiunáriu Tékniku husi Departamentu Partisipasaun Polítika (PP-SEI), Sr. Sr. Rumão Piedade Mendonça, hamutuk ho repezentante Prezidente Autoridade Munisípiu (PAM) Aileu, Sekretaria Munisipiu ba Administrasaun no Finansas Munisipal Aileu, Sr. José Vicente Vilanova, Prezidente Asosiasaun Feto Nia Asaun ba Desenvolvimento (FADA), Sra. Beatriz de Deus Torrezão, no Diretur IADE Munisipal Aileu

Sr. Jorge da Luz Silva e Castro, realiza Seremónia Asina Akordu Entre Asosiasaun Feto Nia Asaun ba Desenvolvimento (FADA), ho Gupu Benefisiáriu Fundus Transferénsia Públika ho Mekanismu Hadulas tinan 2025, ne’ebé mak organiza husi SEI iha Salaun Administrasaun Postu Aileu Villa.

Objetivu husi Asina akordu ho Grupo Benefisiário ba Fundo hadulas ne'e, atu empodera ou hakbiit ekonómia feto rural, Ema Vonerábel, EHD no komunidade LGBQTI hodi partisipa iha dezenvolvimentu nasional.

Reprezentante SEI, Funsiunáriu Tékniku husi Departamentu Partisipasaun Polítika (PP-SEI), Sr. Sr. Rumão Piedade Mendonça, iha nia intervensaun hato'o agradese ba Autoridade Munisipiu Aileu Reprezenta Sekretaria Asunto Administrasaun no Finansas, Diretor IADE M. Aileu, no prezidente AFM, sira nia esforsu no tulun ohin loron ita bele realiza serimónia asina Akordu Asosiasaun ho Grupo Benefisiariu ba Fundo Hadulas 2025 nian.

SEI hato'o parabéns ba Grupo Benefisiariu sira ne'ebe iha tinan ida hetan Apoiu Fundus ba Atividade negósiu ho Tipu oi-oin Balun Loke Kios, Hakiak Animál no Kuda Modo Holtikultura, ami husu Grupo sira atu iha ezekusaun Orsamentu ho koidadu no Transparansia, hasae produsaun hadia rementu sei fó benefisiu ba grupo no hadia rendementu ba Familia.

Labele hare ba valor nominal ne'ebé iha importante mak ita nia negósiu lao ho kreatividade grupo, nia Akresenta katak Buat hotu ne'ebe ita hetan laos Oportunidade maibé ne'e responsabilidade Grupo nian oinsa atu dezenvolve ita nia Negósiu sai diak ita presiza rona malu no fiar malu iha Grupo laran.

Objetivu husi Asina akordu ho Grupo Benefisiário ba Fundo hadulas ne'e, atu empodera ou hakbiit ekonómia feto rural, Ema Vonerábel, EHD no komunidade LGBQTI hodi partisipa iha dezenvolvimentu nasional.

SEI nafatin serbisu hamutuk ho parseiru sira hanesan IADE atu bele fó tulun ba Inan feto sira hodi hakbiit sira nia koñesementu kona-ba Gestaun Negósiu wainhira sira halao atividade negósiu tuir Planu grupo nian.

Depois Asina Akordu hotu, kontinua kedas ho aprezentasaun kona-ba Vizaun no Misaun SEI husi Sr. Rumão Piedade Mendonça, no mós Aprezentasaun kona-ba Jestaun no Kontabilidade husi Diretur IADE Munisipiu Aileu Sr. Jorge da Luz Silva e Castro.

Iha Seremónia Asina Akordu refere, Grupu Benefisiariu ne‘ebé mak asina akordu hamutuk Grupu Lima (5), mak hanesan, Grupu Buah Naga Suku Fahiria, Grupu Hamutuk Hakbi'it Feto Rural Suku Seloi Kraik, Grupu Pasensia Servisu Hodi Buka Moris (Pashbumor) Suku Hoholau, Grupu Fila Liman Família Vulnerável (Gflfv) Suku Tohumeta, No Grupu Komunidade Hakbi'it Moris Suku Manukasa.

seremonia asina akordu refere partisipa mós husi Autoridade Lokál sira hodi sai sain mós ba Seremonia Asina Akordu ne'e rasik.

Fontes: https://www.facebook.com/share/p/1AY25ayHQd/