RAEOA, 04-12-2025—Diretora Nasionál Dezenvolvimentu Igualdade Jéneru (DNDIJ-SEI), Sra. Olga da Costa Monteiro, hamutuk ho Koordenadora Unidade Promosaun Igualdade Jéneru no Inkluzaun Sosiál (UPIJIS-RAEOA), Sra. Merita Marques, Diretór IADE-RAEOA, Sr. Ermundu de Jesus Pereira, no Prezidente Asosiasaun Feto RAEOA, Sra. Joana Bobo Tano, realiza asina akordu entre Asosiasaun Feto RAEOA (AFR) ho Grupu Benefisiariu Fundus Transferénsia Públika ho Mekanismu Hadulas tinan 2025 iha RAEOA, ne’ebé mak organiza husi Sekretaria Estadu ba Igualdade (SEI), iha Salaun IADE-RAEOA, Santa Rosa.

Objetivu husi seremónia Asina Akordu ne’e mak, oinsa atu promove Igualdade Jéneru no Oportunidade hanesan iha área servisu, haforsa ekonomia feto sira nian ba subsistensia liuhusi auto-impregu, fó oportunidade ba feto sira atu prátika no hatudu sira-nia abilidade, talentu no kapasidade, no enkoraja maluk feto sira atu organiza mal uno servisu iha ekipa hodi kontribui ba redusaun kiak liuhusi partisipasaun feto sira iha dezenvolvimentu ekonómia nasaun nian no hadia konfiansa feto sira atu asesu instituisaun Mikro Finansas no asesu kreditu.

Diretora Nasionál Dezenvolvimentu Igualdade Jéneru (DNDIJ-SEI), Sra. Olga da Costa Monteiro, iha nia intervensaun ba sesaun abertura hatete, SEI nia papél mak oinsa atu hakbiit feto ho grupu sira-nia moris sosiál, polítika, kapasita ho abilidade jestaun finanseiru atu kontribui ba merkadu ba família no sosieade nia moris di’ak, no enkoraja feto no grupu vulneravel sira nia partisipasaun no iinvolvimentu ativa atu hari’i sosiedade ne’ebé moris ho dignu, dignifika sira-nia direitu iha nasaun ida ne’e.

Iha RAEOA ita iha Grupu hamutuk 9, ne‘ebé mai ho atividade lahanesan, no iha loron horseik ekipa SEI hamutuk ho Prezidente AFR hala’o vizita ona ba iha Grupu tolu iha Suku Costa.

Ha’u hakarak enkoraza ita boot sira, atu servisu hamutuk, lao hanesan ekipa, katak servisu hamutuk hanesan ekipa maka xave ba suseu, bainhira hamutuk bele fahe idea, fahe kbi’it, no hasoru rejultadu ne’ebé di’ak, ekipa kuandu forte mak ema sira ne’ebé hakarak aprende hamutuk, suporta malu hodi atinji objetivu grupu.

Orsamentu ne’ebé mak ita boot sira simu, uza ho responsabilidade, no orsamentu ne’e laos apoiu ba individu maibe grupu sira oinsa atu bele apoiu ekonomia família hanesan investimentu ba futuru, uza osan ne’e ba buat ne’ebé fó rendimentu, ajuda ba atividade grupu atu aumenta no garante katak atividade ne’e bele kontinua nafatin.

Dala ida tan parabéns ba grupu sira ne’ebé mak hetan ona fiar husi SEI bat inan 2025, husu ba grupu atu aproveita oportunidade ida ne’e ho di’ak, nafatin iha esperansa, dignidade no direitu atu moris ho di’ak, sei iha dejafiu maibe fiar malu no servisu hamutuk nafatin.

Iha fatin hanesan, Koordenadora UPIJIS-RAEOA, Sra. Merita Marques, iha nia intervensaun hato’o parabéns ba AFR, no parabéns SEI, nafatin mantein empodera ita-nia feto maluk sira no mós agradese ba IADE, para labele baruk atu mentorin ita-nia grupu sira kona-ba formasaun Jestaun no Kontabilidade, ida ne’e importante tanba ita atu ko’alia koana-ba ne’ebé atu la’o di’ak tenki iha mentorin mós, nune’e ba ohin loron Grupu sira ne’ebé sei Asina akordu ne’e husi Grupu dahuluk ita husu para bele hala’o ho didi’ak, tanba wainhira kuandu osan ne’e lakon, todan ne’e iha ita boot sira, ami sira ne’e mai atu siste, asina para ita boot sira bele simuosan ida ne’e, masi depois atu hala’o ita boot sira, nun’e ami nafatin enkoraza ita boot sira, kuandu hahu ona ita boot sira negosiu keta haluha iha ne’e ita iha IADE, IADE Oekuse prontu atu mentorin ita boot sira liuhusi AFR para bele lori ita boot sira mai rejistu, para bele halo treinamentu ba bebeik.

Nune’e atu hatete katak, wainhira ita halo atividade ida ita labele mesak, husu para ita-nia maluk balun bele ajuda ita, ajuda ita para atu bele jere osan ka fundus ne’ebé mak ita simu ona ne’e, atu nune ita bele hatene osan ne’e sai ba halo saida, no iha ne’e ema ne’ebé mak ita bele husu tulun mak IADE,

seremónia Asina Akordu ne’e mos hetan fasilita formasaun husi Ekipa, SEI kona-ba Vizaun, misaun SEI, ho Mata dalan FTP ho Mekanismu hadulas, no husi ekipa IADE-RAEOA, fasilita formasaun kona-ba jogu negosiu kona-ba Jestaun no kontabilidade.

Seremonia asina akodu ne’e partisipa husi Grupu Benefisiariu hamutuk 9, ne’ebé mak ho atividade lahanesan iha sira-nia atividade negosio, no partisipa mós husi Xefe Suku Beneufe no reprezentante Suku husi Suku Costa.

Fontes: https://www.facebook.com/share/p/17yGnLhpbB