Dili: 05 Dezembru 2025____ Sekretaria Estadu ba Igualdade (SEI), Ohin loron 05 fulan Dezembru tinan 2025 Hamutuk ho Organizasaun Rede Feto Timor-Leste halo divulgasaun ba Platafoma Asaun Feto Timor-Leste iha Nivel nasional ba instituisaun relevante sira no sosiedade sivil sira, Divulgasaun ne'e ne’ebe realiza iha Hotel Timor, Ohin.

Divulgasaun PAF-TL ne’e abertura direitamente husi Sua Exelénsia Sekretária Estadu ba Igualdade (SEI), Elvina Sousa Carvalho no marka prezensa husi Instituisaun relevante, Sosiedade Sivil, nomos Parseiru Dezenvolvimentu sira rasik.

Divulgasaun Plataforma Asaun Feto ne’e realiza ho obejtivu mak hodi reafirma komprimisiu lideransa politika no alokasaun rekursu adekuadu, garante politika bazeia ba dadus no evidensia, reforsa instituisaun atu implementa programa ho transparansia, aumenta partisipasaun feto iha nivel hotu, tanba ho esforsu koletivu hamutuk Timor-Leste hakarak feto no labarik feto iha Timor-Leste bele moris livre husi Violensia, hetan oportunidade hanesan no kontribui ba dezenvolvimentu nasaun iha nivel lokal no nasional.

Tan ne’e iha diskursu abertura Sua Exelénsia Sekretária Estadu ba Igualdade (SEI), Elvina Sousa Carvalho hateten katak IX GOvernu Konstitusional liu husi Sekretaria Estadub a Igualdade SEI nafatin Esforsu servisu makas bazeia ba rekomendasaun ne’ebe mak iha. tanba oras ne’e dadaun SEI Ho Instituisaun relevante sira hanesan Ministeriu Justisa Finaliza ona Diskusaun Final Lei Kontra Violensia Domestika, SEI ho SEFOPE tau ona Seriedade ba Lei Traballadores Domestika nomos SEI hamutuk ho Ministeriu Ensinu Superior servisu makas ba implementasaun kampus seguru ne’ebe kolia kona ba livre husi asedu seksuál nomos livre husi kualker Tipu Violensia sira.

Tanba Plataforma Asaun Feto (PAF) Timor Leste ne’ebe ohin nu'udar programa ne'ebé destinadu ba hakbi it ka empoderamentu Feto Timor Leste no atu garante igualdade direitu iha politika hotu hotu iha RDTL nudar direitu konstitusional ba artigu 6, 16 no 17.

Platagorma Asaun Feto Timor-Leste ne’ebe iha nu’udar nudar mekanizmu esensiál ida advokasia politika abordajen integradu jéneru no empoderamentu feto iha TL. Plataforma Asaun Feto TL mak dokumentu politika feto Timor-Leste nian ne'ebé akomodativu, integradu, sistematiku, inkluzivu no aseitavel.

Iha Divilgasaun PAF-TL ohin marka Prezensa husi Organizasaun Sosiedade Sivil, Lina Ministeriu Save Sira nomos Parseiru dezenvolvimentu rasik.

Fontes: https://www.facebook.com/share/p/17WsiFQDu3