𝐁𝐨𝐛𝐨𝐧𝐚𝐫𝐨, 𝟎𝟖/𝟏𝟐/𝟐𝟎𝟐𝟓: Ministro do Desenvolvimento Rural e Habitação Comunitaria (MDRHC), Eng. Mariano ASSANAMI Sabino hamutuk ho Grupu Akikultura Haburas Unidade, hodi koilleta ikan Nilla, iha Aldeia Coroluli, Suco Ritabou, Postu Administrativu Maliana, Munisipiu Bobonaro.

Iha oportunidade ne’e, Ministru MDRHC kongratula grupu Haburas Unidade tanba hatudu ninia kompromisu, disiplina no dalan badinas nian iha prosesu hakiak ikan.

Nia afirma katak funsionariu destakadu sira sei kontinua servisu hamutuk ho Grupo benefisiariu no halo monitorizasaun atu garante sustenibilidade programa.

“Progresu ne’e prova katak komunidade bele dezenvolve setór akuatika ho rezultadu di’ak se existi liderança, organizasaun no servisu hamutuk,” hatete Ministru.

Orsamentu ne’ebe governu apoiu ba grupu hodi konstrui kolam, sosa fini, halo lutu, no halo uma hamutuk $13.500 mill no ikan no total kolam hamutuk 8.

Aldeia Coroluli mos hanesan modelu dezenvolvimentu integradu, tanba komunidade halo produsaun agrikola multisetorial, balun hakiak ikan, hakiak karau, bibi, manu kuda modo.

Modelu ida ne’e esensiál atu fó seguransa aihan hodi kontribui ba esforsu nasional kombate malnutrisaun liu husi produsaun hahan nutritivu ne’ebé lokal.

Xefe Grupu Haburas Unidade hatete katak koileta ohin atu representa ezitu hosi esforsu kolektivu.

“Kolam ida seidauk fa’an hotu, maibé ami hetan ona rendimentu liu ba $500. Ikan tolu kilo ida fó ona presu $5. Iha kolam ida ami bele tau 800 ikan, no iha kolam 8 ami halo produsaun sustenível,” hateten nia.

Nia aumenta katak grupu sei kontinua hakarak tuir direitu hakiak ikan, maibé iha planeamentu atu explora mos oportunidade foun iha agrikultura.