9 Dezembru 2025: Ministra Saúde (MS) dr. Élia A.A. dos Reis Amaral, SH hamutuk ho Reprejentante Organizasaun Mundiál Saúde ba Timor-Leste (OMS-TL) Dr. Arvind Mathur akompaña hosi Diretór Ezekutivu no Prezidente Konsellu Administrasaun HNGV dr. Nuno Vital, hala’o vizita ba sentrál oksijéniu dahuluk “Pressure Swing Adsorption” (PSA) Timor-Leste (TL) nian iha HNGV, Bidau Toko Baru, Dili.

Entretantu produsaun ba hirak ne’e hotu, sei hamenus dependénsia ba silindru importadu sira, hadi’a oksijéniu nia pureza no garante fornesimentu ne’ebé kontínua no hodi fó atendementu ba pasiente sira.

Sorin seluk ekipa mós hala’o vizita ba edifísiu foun ho andár 5 ne’ebé sei sai fatin ba unidade pediatria no kuidadu intensivu iha HNGV, ne’ebé dezenvolve hamutuk hosi Ajénsia Kooperasaun Internasionál Japaun nian (JICA) no Ministériu Saúde, edifísiu ne'e mós sei sai operasionál iha tempu badak nia laran.

#MídiaPalácioDasCinzas