Oe-cusse, 05 dezembru 2025 - Sua Exelénsia Ministra Edukasaun Dra. Dulce de Jesus Soares no akompaña husi Vise-Prezidente INFORDEPE Domingas Belo Amaral Mendes akompaña direta ba formasaun preparasaun kurrikulu siklu datoluk klasse 7⁰ Ano iha Sentru Formasaun INFORDEPE, Rejiaun Espesiál Administrativa Oe-cusse Ambeno.

Hafoin remata tiha Sua Exelénsia Ministra Edukasaun Dra.Dulce de Jesus Soares ba jurnalista sira hatete, ohin vizita ba formasaun preparasaun kurríkulu síklu datoluk klase 7⁰ Ano iha matéria dalen Tetun, Portugés, Teknolojia Multimédia no seluktán.

"Formasaun ne'e la'o di'ak tebetebes tanba iha livru testu ne'ebé klaru loos no profesór sira aprende no fó feedback ne'ebé di'ak tanba matéria sira ne'e iha versaun eletrónika, nune'e profesór sira hotu bele asesu iha sira-nia telefone Android rasik", tenuk S.E.Ministra

Líder másima Edukasaun ne'e esplika, Ministériu Edukasaun halo formasaun iha fulan novembru no dezembru hodi bele implementa kurríkulu klase 7⁰ Ani nian iha tinan 2026 no kompleta matéria ba klase 8⁰ Ano no mós iha formasaun atu nune'e bele implementa iha tinan 2027.

Rekorda mós katak iha tinan oin ministériu edukasaun sei halo revizaun ba Kurríkulu Ensinu Sekundáriu Jerál no Ensinu Sekundáriu Tékniku Vokasionál.