Vise-Ministra Solidariedade Sosiál no Inkluzaun, Céu Brites hato’o diskursu iha enseramentu Grupu Traballu Global kona-ba Protesaun Sosiál ba Nutrisaun, iha Otél Marriot, Islamabad, Pakistaun (04/12/2025).

Vise-Ministra nia intervensaun ba loron ikus mak hato'o agradesementu ba Governu Pakistaun ba servisu hamutuk iha Área Protesaun Sosiál no hato'o agradesementu mós ba komisaun organizadora ne'ebé servisu maka'as hodi eventu ne'e la'o ho susesu, no ho eventu ida-ne'e bele inspira partisipante sira aprende no partilla ba malu istória susesu no dezafius husi Nasaun sira seluk.

Vise-Ministra mós afirma katak nia hamutuk ho delegasaun apresia ho eventu ida-ne'e no bele lori fila lisaun di'ak sira ne'ebé bele no aplika iha Timor-Leste nia kontextu.

Ikus liu, Vise-Ministra afirma katak sei hato'o ba Presidente da Republika Timor-Leste Sr. Jose Ramos Horta kona-ba eventu ida-ne’e.

Grupu Traballu Global kona-ba Protesaun Sosiál ba Nutrisaun realiza durante loron tolu nia laran, hahu husi loron 2 to’o loron 4 fulan dezembru no objetivu jerál husi Grupu Traballu Global ne'e mak atu troka koñesimentu, esperiénsia no lisaun aprendida entre País sira kona-ba Protesaun Sosiál Sensível ba Nutrisaun.