Ekipa delegasaun Ministériu Solidariedade Sosiál no Inkluzaun Timor-Leste kontinua partisipa iha II Forum Saúde no Seguransa iha traballu CPLP , liu husi reuniaun téknika ne'ebe ho tema desafius sira iha transasaun dijital ba seguransa no saúde iha fatin traballu (SST) , ne'ebe realiza iha Cidade da Praia , Cabo Verde ( 5/12/2025).

Iha Painel refere delegasaun MSSI fo kontribuisaun kona-ba oportunidade no esforsu sira atu adapta prosesu seguransa no saúde iha fatin traballu ba mundu dijital ne'ebe avansadu.

Iha diskusaun mós inklui importánsia inovasaun dijitál atu haforsa mekanizmu protesaun sosiál, aumenta komunikasaun entre instituisaun sira no hatan ba desafius ne'ebe traballadór sira hasoru iha setor seguransa no saúde iha fatin servisu.

Sesaun importante ida ne'e ho objetivu fo importánsia ba seguransa no saúde iha traballu (SST) nudar elementu fundamental ba inkluzaun sosiál.

Partisipasaun ekipa tékniku MSSI iha sesaun ida ne'e fo importánsia ba énfaze modernizasaun, fortalese kapasidade téknika no promove ambiente traballu ne'ebe seguru, saudável no inkluzivu.