*Dili, 11 Dezembru 2025.* SECoop hamutuk ho ekipa husi Camara Comércio no Indústria Timor-Leste (CCI-TL) hala’o enkontru inisiál atu hari’i Technical Working Group (TWG) tuir MoU ne’ebé assina ona entre parte rua. Enkontru ida ne’e lidera husi Chefe do Gabinete SECoop no envolve partisipasaun hosi direisaun tékniku sira SECoop hamutuk ho ekipa CCI-TL.

Enkontru ne’e objektivu atu alinha prioridade estratéjika, troka informasaun, no prepara estrutura koordenação atu hakat ba implementasaun programa komun iha área kooperativas. TWG ne’e sei funsiona hanesan mekanismu kooperasaun atu garante prosesu implementasaun la’o klaru, efetivu no transparente.

Parte rua mos akorda atu kontinua prepara planu servisu detallu tuir MoU, inklui definisaun atividade prinsipál, rolu instituisaun sira, no kalendáriu implementasaun. Kooperasaun ne’e espera atu fó impaktu direto ba fortalecimento ekosistema kooperativa no dezenvolvimentu ekonomi komunidade iha Timor-Leste.

#SECoop #CCITL #Cooperativas #ParceriaEstratégica #DesenvolvimentuKomunidade #TimorLeste