Dili, 11 Dezembru 2025.* Secretaria de Estado das Cooperativas (SECoop) hala’o enkontru importante ho ekipa konsultoria husi Ministério Dezenvolvimentu Rural no Habitasaun (MDRH) iha Salaun Secretariado ACMM SECoop, Acait, hodi koordena planu servisu hamutuk ba dezenvolvimentu rural no kooperativizmu ba tinan 2026.

Diskusaun iha enkontru laran fó énfaze ba integrasaun programa kooperativa iha suku sira, ne’ebé abranje:

Estabelese “Technical Working Group” hodi diskute asuntu tekniku sira, fortalece koordenasaun, no prepara planu dezenvolvimentu kooperativa iha área rural.

Identifika suku-pilotu hodi implementa modelo kooperativa sustentável integradu ho programa habitasaun komunitária, agrikultura no ekonomi lokal.

Troka dadus no asesmentu kona-ba situasaun komunidade rural atu define prioridade servisu ba tinan 2026.

Elaborasaun concept note konjunta entre MDRH–SECoop ba programa integradu kooperativizmu no dezenvolvimentu rural.

Enkontru ne’e partisipa husi ekipa MDRH: Sr. Rui Pacheco, Sr. Aniceto no Sr. Paul no husi SECoop: Eng. Leovogildo Belarmino hamutuk ho Asesor Atai.

SECoop kontinua halo esforsu atu hametin kooperativizmu nian hanesan mekanismu importante ba dezenvolvimentu komunidade, sustentabilidade no resiliénsia iha Timor-Leste.

#SECoop #MDRH #Kooperativizmu #DesenvolvimentuRural #TimorLeste