Bobonaro, 12 Dezembru 2025 - Depois de tomada de posse ba estrutura kooperativa foun iha Suku Holsa, Postu Administrativu Maliana, Maliana Vila, Sua Eselénsia Sekretáriu Estadu Kooperativa, Eng. Arsénio Pereira da Silva, M.Agr, halo vizita kortezia ba GRUPU Kooperativa Multi-Setoral Haburas Agríkola Pudel Secar (KM-HAPS), ne’ebé localiza iha Suku Holsa, Postu Administrativu Maliana, Maliana Vila, Munisípiu Bobonaro.

Iha vizita ne’e, Sua Eselénsia fo motivasaun ba membrus kooperativa hodi kontinua servisu ho badinas no hadia jestaun grupu nian, atu bele habo’ot kooperativa ba oin no responde diak liu ba nesesidade komprador sira. KM-HAPS laos de’it hala’o atividade hakiak karau, maibé mos envolve atividade agríkola no pecuária seluk hanesan fila rai hodi kuda bafo kayrala, kuda batar no hakiak manu.

Alende ne’e, Sua Eselénsia mos fo hanoin ba lideransa kooperativa hodi halo koordenasaun ho Ministériu Agrikultura, atu bele hetan apoiu tékniku, liuliu iha área saúde animal, hodi garante produtividade no kualidade produtu sira.

“Kooperativa laos de’it fatin atu empresta osan ka uza rai hamutuk, maibé ida ne’ebé tau hamutuk ita nia forsa, ita nia animal no ita nia servisu atu hakiak no hala’o atividade ekonomika hamutuk,” hatete Sua Eselénsia.

Vizita ne’e mos partisipasaun husi Asesor Tékniku Estanislau Cláudio Ximenes, Diretor Nasionál Politika no Reforma Amandiu Silva Lopes, Chefe Suku Holsa, membrus kooperativa sira no funsionáriu detakadu sira.

#Média_SEKoop