Dili, 11 Dezembru 2025 – AJÉNSIA SOSIEDADE SIVÍL IDA HUSI MALAZIA ho naran the ASEAN Federation of land Surveying and Geomatics (ASEAN FLAG) hasoru malu ho Ministru Agrikultura, Pekuária, Peskas no Florestas hodi ko’alia kona bá kooperasaun iha area surveying Geometics iha futuru atu apoiu MAPPF nia mapamentu atu identifika lokalizasaun area espesifiku sira iha setór Agrikultura, Pekuária, Peskas inklui infraestrura báziku sira.

Ministru Agrikultura, Pekuária, Peskas no Florestas (MAPPF), Eng. Marcos”MAMETA” da Cruz, MAgSt dehan mapamentu ka planementu ne’ebé bolu dehan Giospasial ne’e, NGO ASEAN Federation of land Surveying and Geomatics (ASEAN FLAG) iha ona esperiénsia, konhesimentu no teknolojia iha area surveying. Tuir informasaun katak servisu surveying ne’ebé ASEAN Flag hato’o ne’e tanba hakarak akumula data husi nasaun sira ne’ebé tama ona iha ASEAN inklui Timor-Leste

“Ha’u halo enkontru ho NGO ida husi Malazia inklui iha mós ema Indonezia ne’e, sira mós iha ona ema iha Timor. Sira mai ko’alia ho ha’u atu haree oin-nusá bele servisu hamutuk iha futuru, hodi nune’e bele halo mapamentu kona-bá ita nia rai, atu ita bele hatene ita nia agrikultura ne’e iha ne’ebé, hakiak animál ne’e iha ne’ebé, halo Peska ne’e iha ne’ebé, halo uma no halo Estrada ne’e iha ne’ebé”. Dehan Ministru Marcos bá jornalista sira iha MAPPF Comoro ohin.

“Ita agradese bá maluk sira ne’e tanba sira bele mai fahe esperiénsia no matenek oituan mai ita, atu nune’e bá oin ita bele haree oin-nusá maka ita bele la’o hamutuk. Ita hanesan membru ASEAN ne’ebé foun, ita presiza aprende husi nasaun membru ASEAN ne’ebé iha ninia teknolojia, iha matenek, iha esperiénsia. Ita presiza aprende liu-liu setór agrikultura”, Dehan Ministru

Tanba smart agriculter ne’e presiza atu dezenvolve no presiza moderniza mak téknolojia ne’e presiza inklui surveying, Ne’e mós presiza tanba bainhira atu halo buat ruma karik, bele hatene iha ne’ebé maka di’ak liu no lo’os liu.

Iha fatin hanesan Prezidente AFLAG (Asean Flag) Shaharuddin Bin Musa hateten objetivu sira nian mai hasoru malu ho Ministru Agrikultura Timor-Leste ne’e atu halo kooperasaun ida iha area surveying Geometics Ministériu Agrikultura hanesan Ministériu ida ne’ebé mós utiliza data Giospasial ne’ebé dala ruma presiza atu hasa’e mós Wirnes.

Tuir nia katak Timor-Leste presiza iha data Center ida hodi nune’e bainhira iha linha ministériais sira mak utiliza ona data Giospasial bele konsentra ona iha data ne’ebé hanesan. Nu’udar Prezidente bá the ASEAN Federation of land Surveying and Geomatics (ASEAN FLAG) hato’o agradese wain bá exelensia Ministru tanba bele simu ona sira iha fatin ida ne’e hodi mko’alia bá malu oinsá Malazia ho Timor-Leste bele tulun malu area surveying ne’e rasik.

Iha enkontru ne’e hetan partisipasaun husi Sekretáriu Estadu Peska (SEP) Assesór Prinsipál, inklui kometiva husi ASEAN Flag.