DILI,12/12/2025: Ministru Dezenvolvimentu Rurál no Habitasaun Komunitária Eng. Mariano ASSANAMI Sabino no Banku ANZ ohin asina Nota Entendimentu (MoU) hodi lansa programa 𝗠𝗼𝗻𝗲𝘆 𝗠𝗶𝗻𝗱𝗲𝗱 & 𝗕𝘂𝘀𝗶𝗻𝗲𝘀𝘀 𝗕𝗮𝘀𝗶𝗰 ba inkluzaun finanseira iha área rurál Timor-Leste.

Parseria ida-ne'e aliña ho MDRHC nia inisiativa prinsipál sira, Uma Dignu no Sentru Dezenvolvimentu Aldeia (CDA), tuir Dekretu Lei Governu nian ba dala 9 kona-ba revitalizasaun komunidade rurál.

MoneyMinded & Business basic, programa formasaun ida ne'ebé prova ona ho benefisiáriu liu 927,500 iha mundu tomak, ba programa Formasaun MDRHC sei ekipa sidadaun rurál 10,000 ho abilidade finanseira, ferramenta emprezariál, no rekursu sira hodi hasa'e rendimentu no reziliénsia.

Inisiativa ida-ne’e fó apoiu ba Timor-Leste nia prioridade sira kona-ba redusaun pobreza, hakbi’it komunidade, no alkansa ODS 1, 5, no 8.

“Hakbi’it komunidade rurál sira liu husi literasia finanseira mak xave ba dezenvolvimentu sustentável liu husi muda ba mindset negósiu nian, oportunidade hotu-hotu presiza halo monetizasaun. simples sasan ne’ebe la vale ona bele fó oportunidade atu hamosu rendimentu” dehan Vise Primeiru-Ministru.

Servisu parseria ho Banku ANZ ne’e atu hametin komunidade hodi reforsa programa ba implementasaun Uma Dignu_ no Programa Sentru Dezenvolvimentu Aldeia liu husi Dezenvolvimentu Rural.

Enkuantu, ba servisu hamutuk ida ne’e, parte husi Banku ANZ sente orgullu hodi hametin nia kompromisu ba MoneyMinded no Business Basics iha Timor-Leste, ANZ nia ekipa sei esforsu tomak liu husi sira ida-idak nia abilidade atu hari’i komunidade sira ne'ebé forte liu no auto-sufisiente liu.