𝐉𝐚𝐤𝐚𝐫𝐭𝐚, 𝟏𝟓 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓

=====================

Vise-Primeiru-Ministru, Ministru Koordenadór Asuntu Ekonómiku no Ministru Turizmu no Ambiente, Dato' Seri Francisco Kalbuadi Lay, akompaña Primeiru-Ministru (PM), Kay Rala Xanana Gusmão hala'o vizita ba Embaixadór Timor-Leste (TL) iha Jakarta, Indonézia.

Iha biban ne'e, Primeiru-Ministru liuhusi Vise- PM, apela bá Embaixadór Timor-Leste bá Indonézia, Roberto Soares ho Embaixadora TL bá Association of Southeast Asian Nations (ASEAN), Natercia Coelho, hamutuk ho diplomata no funsionáriu sira atu haburas relasaun forte entre TL ho Indonézia, inklui ho Estadu-membru ASEAN.

Nune'e, Embaixadór Roberto Soares, hato'o agradesimentu profunda bá vizita hosi Primeiru-Ministru no Vise-Primeiru-Ministru nian iha Embaixada. No promete sei hametin no haburas relasaun diak liu tan entre Timor- Leste ho nasaun sira seluk.

Vizita ne’e, taka ho selebrasaun festivál bá époka Natál nian nakonu ho sentidu amigável, hamutuk ho diplomata no funsionáriu embaixada nian.