𝐉𝐚𝐤𝐚𝐫𝐭𝐚, 𝟏𝟓 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓

===================

Vise-Primeiru-Ministru no Ministru Koordenadór ba Asuntu Ekonómiku, Ministru Turizmu no Ambiente, Dato’ Seri Francisco Kalbuadi Lay, akompaña Primeiru-Ministru (PM), Kay Rala Xanana Gusmão, ba hala'o medical check up saúde iha Ospitál Gatot Subroto, Jakarta, Indonézia.

Iha prosesu medical check up ba saúde PM Xanana nian ne’e ho nia rezultadu di’ak.

Ho rezultadu ne’e, Vise-PM la haluha hato’o agradese wain ba povu Timor-Leste tomak nia orasaun.

Vise-PM, Dato’ Seri Francisco Kalbuadi Lay, fó agradesimentu mós ba Diretór Ospitál Gatot Subroto, Jenerál Profesór Terawan, Doutór Tejo, Doutór Erwin, Doutór Pujo, no ekipa médiku sira hotu ne’ebé fó apoiu asisténsia médika durante check up saúde PM ne’e.

Agradese mós ba dentista sira ne’ebé lidera husi doutór Leo ho nia ekipa, agradese mós ba Embaixadór Timor-Leste iha Jakarta, Roberto Soares ho nia ekipa, Embaixadór Indonézia ba Timor-Leste, Okto Dorinus Manik, Konsuladu Timor-Leste iha Bali, Sra. Carolina ho ekipa, Pak Frans, Pak Riki, Pak Prio ho ekipa tékniku tomak.