Xefe Suku Kampung Alor, Estela Aleixo sente orgullu ba programa Sekretaria Estadu Komunikasaun Sosial no Ministeriu Administrasaun Estatal (MAE) nebe konsege responde ona sira nia pedidu hodi estabelese website suku dijital iha suku kampung Alor, postu Administrativu Dom aleixo, Munisipiu Dili.

Website suku dijtal lansa ona iha Tersa-Feira (09/12/2025) ne’ebé lansa Direta husi Sekretariu Estadu Komunikasaun Sosial Expedito Loro Dias Ximenes, akompanha husi Vise-Ministru Administrasaun Estatál Jacinto Rigoberto G. de Deus, reprezentante husi Ministeriu Transportes no Komunikasoens (MTK), Administrador Postu Dom aleixo, Xefe suku Kampung alor, Estudante no Komunidade sira.

Programa suku dijital ida ne'e ho objetivu atu dezenvolve potensialidade suku, merkadoria no aselera asesu no servisu públiku sira. Iha suku dijitál ida, servisu públiku sira sei sai dijitál liu husi ligasaun rede internet.

Servisu dijitál sei enkoraja hadi'a servisu públiku iha suku sira no fasilita ofisiál suku sira atu avalia no hadi'a servisu sira ho baze dadus ne'ebé sira sei iha. Iha kontestu ekonómiku, suku dijitál sira bele uza hanesan katalizador hodi hadi'a dezempeñu ekonómiku suku nian no haforsa ekonomia komunidade suku nian. Suku dijitál ne'e planeia atu iha website no konta média sosiál ba promosaun no notísia sira, sistema komérsiu eletróniku no aplikasaun sira ne'ebé tuir karakter no potensialidade ekonómika suku ida-idak nian.

Fontes: https://www.facebook.com/share/v/17g7uyhKWh