Dili, 17 Dezembru 2025 - Sekretáriu Estadu Terras no Propriedades (SETP), Sr. Jaime Xavier Lopes, M.Eng. iha kuarta-feira ne'e, hakat ba salaun auditoriu Ministériu Justisa, hodi hala'o abertura ba aktividade sensibilizasaun Lei Numeru 36/2025 kona-ba Regime Jurídico de Gestão e Utilização dos Bens Imóveis dos Domínios do Estado, ba diretores sira nomos kargu xefia sira iha ámbitu MJ.

Iha sorumutu ida-ne'e, Sekretariu Estadu Terras no Propriedades, ofisialmente loke de'it atividade, depoizde sensibiliza hosi Diretor Nasionál Asesoria Jurídika no Lejislasaun (DNAJL) kona-ba objetivu hosi Dekretu-Lei Nú. 36/2025, kona-ba Regime Jurídico de Gestão e Utilização dos Bens Imóveis dos Domínios do Estado, nuudar dekretu ne'ebe governu kria hodi revoga Dekretu-Lei Nu. 19/2004. Lei ne'e rasik hetan ona promulgasun hosi Prezidente Repúblika, Dr. José Ramos-Horta, iha loron 15 Outubru 2025.

Purtantu Dekretu-Lei 36/2025 nia objetivu prinsipal mak atu revoga totalmente Dekretu-Lei Nú. 19/2004, hodi atualiza no harmoniza estrutura legál sira ne’ebé regula jestaun propriedade no bens imóveis Estadu nian, tuir realidade atual no programa polítiku XI Governu Konstitusionál, ne’ebé fó prioridade mos ba reforma legál iha área terras propriedade no levantamentu kadastral nian. Dekretu-Lei Nú. 36/2025 iha kapítulu hamutuk haat (4), ne’ebé konsiste kompostu hosi Dispozisaun Jeral, Bens Imóveis Domíniu Públiku Estadu, Bens Imóveis Domíniu Privadu Estadu, no Dispozisaun Tranzitóriu Final.

Dekretu-Lei ne'e iha artigu hamutuk 165, ne’ebé fó detalhu ba responsabilidade instituisaun relevante hanesan Diresaun Jeral Terras no Propriedades. Média SETP

Fontes: https://www.facebook.com/share/p/1KZtZdy1Y1/