Díli-Segunda, 15/12/2025 Ministériu Finansas liuhusi Diresaun Jerál Tezouru aprezenta progresu esbosu padraun kontabilidade setór públiku no privadu Timor-Leste ba S.E Ministra Finansas Sra. Santina José Rodrigues F. Viegas Cardoso.

Objetivu husi reuniaun ne’e maka Diresaun Jerál Tezouru hamutuk ho setór privadu no setór públiku ne’ebé antes ne’e hala’o ona diskusaun ho setór relevante sira kona-ba esbosu padraun kontabilidade faze-II. Ohin loron aprezenta hikas ba S.E Ministra Finansas kona-ba progresu ne’ebé iha durante realiza diskusaun sira.

Aprezentasaun ba esbosu padraun kontabilidade setór públiku no privadu Timor-Leste ne’e mai husi Sr. Dedy Edward, nudaar setór privadu, Diretór Jerál Planeamentu no Orsamentu Sr. José Alexandre de Carvalho nudaar setór públiku.

Atividade ne’e hala’o iha salaun pizu 2 Ministériu Finansas Aitarak-laran, hetan prezensa másimu husi jestór sira iha Ministériu Finansas, reprezentante setór privadu no setór públiku.

Fontes: https://www.facebook.com/share/p/17o2k7uwUx