Bazeia ba Dekretu-Lei nú: 03/2024 de 17 de Janeio, primeira Alterasaun hosi Dekreto Lei nú: 33/2008 de 27 de Agostu, kona-ba higiene no órden públika fó biban ba Guvernu liu husi SEATOU ne’ebé iha liña kordenasaun ho AMD implementa imediatu Dekretu-lei hodi halo Avizu ba Komunidade hotu atu labele halao negocio iha Espassu Publiku no area protezidus no bandu Nain ba Animal sira husik ka hakiak livremente iha sidade laran sira tuir artigu 5, artigu 6 no artigu 8.

Hakarak afirma, Dekretu-Lei ne rasik iha ninia konsekuénsia juridika bainhira komunidade sira Viola artigu sira temi liu ba, no Nia konsekuénsia mak:

1. Sei halo aprensaun ba Sasan ka animais sira nebe konsidera viola artigu nebe temi liu ba.

2. ⁠Sasan Aprendidu sei tama ba Estadu bainhira nain la reklama iha prazu fixadu iha Dekretu Lei.

3. ⁠Sei aplika koima ba Sasan Nain, bainhira mai reklama sasan ka animais aprendidos ho termo selu voluntariamente husi nain tuir artigu 9 dekreto Lei.

Durante tinan rua resin ona, ekipa SEATOU hamutuk Autoridade Munisípiu Díli (AMD) liu hosi gestão merkadu fó avizu no bandu negosiante xineza no timor oan sira, la bele rai sasan iha loja liur hodi halo negosiu, liliu iha dalan protokolu.

Hanesan negosiante xineza sira iha Mall golgota, antez ne’e ekipa fó hatene ona hodi bandu la bele rai sasan iha loja liur tanba dalan bo’ot protokolu besik Aeroportu Prezidente Nicolau Lobato ninia odamatan oin, maibe sira la kumpre nune’e iha loron segunda-feira, 15/12/2025, oras lorkraik, ekipa SEATOU halo aprensaun ba Sasan hirak tuir Dekretu-lei kona-ba Higiene no Orden Públika.

Sei aplika koima ba Sasan Nain, bainhira mai reklama, karik la reklama, sasan aprensaun sira ne’e sei ajuda fornese ba ofernatu oan sira iha dili laran no mós munisípiu sira.

Fontes: https://www.facebook.com/share/v/1GEAipjLco