𝐃𝐢𝐥𝐢, 𝟎𝟗 𝐝𝐞𝐳𝐞𝐦𝐛𝐫𝐮 𝟐𝟎𝟐𝟓 (𝐒𝐑𝐏) – Polísia Federal Australiana (AFP), liu husi Timor-Leste Police Development Program (TLPDP) kontinua fo apoiu ba Ministeriu Interior (MI), liu hosi entrega Closed-circuit television (CCTV), Mobile-2 ba Komandu Polisia Nasionál Timor-Leste (PNTL) hodi bele apoiu membru sira nia servisu iha terenu.

Ekipamentu rua ne’e maka hanesan, primeiru Auto Comando, ne’ebe uza hodi halo monitorizasaun ba eventu bot sira hanesan foin dadauk vizita Santo Papa iha Timor-Leste nune’e mos bele halo atuasaun wainhira mosu perturbasaun ordem publika ruma ekipa servisu bele monitor deit situasaun hosi sentru operasaun tanba iha makaku ne’ebe ita bele hasae too 12 metrus. Auto comando ne’e mos kompleta ona ho internet hosi starlink, iha mos CCTV tolu ho desktop ida mos iha laran.

Enkuantu kareta ida tan maka troller neebe kompleta mos ho ekipamentu vizilansia iha laran. Kareta ne’e uza solar iha mos jerador karik iha area rural maka ahi laiha bele uza hanesan alternativa ida.

Ekipamentu rua ne’e ofisialmente entrega direta hosi Embaixadora Austrália iha Timor-Leste, Caitlin Wilson ba Ministru Interior Francisco da Costa Guterres, Ph.D, no hetan akompañamentu hosi Segundu komisariu AFP Ian McCartney, Komandante AFP ba Jakarta Centre for Law Enforcement Cooperation (JCLEC), Komandante TLPDP Superintendente Detetive Darren Boyd-Skinner no-mos konselleiru sira TLPDP nian. #Rival

Fontes: https://www.facebook.com/share/p/1DkxBYDBpe