Dili: 10 Dezembru Tinan 2025____ Sekretaria Estadu ba igualdade (SEI) Hamutuk ho Parseiru Dezenvolvimentu sira hanesan UN WOMEN, UNIAUN EROPIA, FOKUPERS, UNFPA, PLTL, CARE INTERNASIONAL TIMOR-LESTE, ASIA FUNDATION, TAF NABILAN nomos ho parseiru save sira realiza Marsa Saudavel ho Tema “Hamutuk Hasa'e Konsiensia Literasia Dijital No Online Seguru Ba Feto No Labarik Feto Iha Diversidade Hotu".

Iha atividade Marsa igualdade ne’e, marka prezensa husi Estudante sira husi IOB, UNITAL nomos parseiru sira hodi lao ai hahu husi Rotunda Nicolau Lobato, to’o Tasi tolu, Suku Comoro, Postu Administrativu Dom Aleixo, Munisípiu Díli.

Iha Marsa Igualdade ne’e ho Objetivu hodi hasa’e konsiensia literasia Digitál no Online seguru ba feto no labarik feto iha Diversidade hotu no husu mos ba publiku atu hamutuk luta ba hapara Violensia oin-oin hasoru feto no labarik feto sira.

Kampaña ida-ne’e reprezenta esforsu globál no nasionál atu afirma katak violénsia hasoru feto no labarik-feto la hetan toleránsia iha sosiedade. Prezensa no kontribuisaun husi Instituisaun sira sei hatudu lideransa, fortalese mensajen protesaun direitus umanus, no reforsa kompromisu komunál atu elimina violénsia bazeia ba jéneru iha Timor-Leste katak seguransa, dignidade no igualdade mak valór fundamentál ba Timor-Leste.

Iha Marsa Igualdade ne’e partisipa direitamente husi Sua Exelensia Sekretaria Estadu ba Igualdade (SEI), Elvina Sousa Carvalho hamutuk ho Jerente no Funsionariu/a SEI rasik.

# MÉDIA SEI#

Fontes: https://www.facebook.com/share/p/1ADcRH5tZc/