Dili: 16 Dezembru tinan 2025______Sekretaria Estadub a Igualdade-SEI, Hamutuk ho Parseiru sira hanesan UN WOMEN, UNIAUN EROPIA, FOKUPERS,Rede Feto, Embaixadador Australia iha Timor-Leste, UNFPA, PLTL, CARE INTERNASIONAL TIMOR-LESTE, ASIA FUNDATION, TAF NABILAN, no marka prezensa mos husi Estudante IOB, UNITAL, Reprezentante Komando PNTL, F-FDTL no Sosiedade sivil hodi halo enseramentu ba kampaña loron 16 Ativismu Kontra Violensia hasoru Feto no Labarik feto iha Timor-Leste.

Kampaña loron 16 Ativísmu nu’udar marka ida hodi Kontra Violénsia Hasoru Feto no Labarik-feto no tema ba tinan 2025 mak “Hamutuk Hasa’e Konsiénsia Literasia Dijitál no Online seguru ba Feto no Labarik-Feto iha Diversidade hotu” no nu’udar tema importante bazeia ba situasaun realidade ne’ebe mak ohin loron feto no labarik-feto sira hasoru iha Sosiedade nia leet.

Tan ne’e iha Diskursu Sua Exelénsia Sekretária Estadu ba Igualdade-SEI, Elvina Sousa Carvalho Lori IX Governu no Sekretaria Estadu ba Igualdade nia naran agradese ba parseiru hotu nia servisu hamutuk hodi realiza ona atividade oinoin durante loron 16 hodi promove Igualdade iha Timor-Leste.

“ Durante ne’e ita hare’e servisu koordenasaun diak tebes durante kampaña loron 16 ativísmu nian hanesan parseiru nasional no internasional, Sosiedade Sivil, akademia hodi luta hasoru kualker tipu Violensia hasoru Feto no labarik feto iha Timor-Leste”.

Tan ne’e sua exelensia esplika katak wainhira kolia kona ba kontra violensia hasoru feto no labarik feto sira, pesoal ida-idak iha responsabilidade hodi fo kontribuisaun maksimu ba asuntu refere tanba luta ba kontra violensia hasoru feto no labarik feto laos responsabilidade SEI deit, Sosiedade Sivil no parseiru sira deit maibe presiza mos kontribuisaun husi Parseiru mane sira.

Atu taka Sua Exelénsia afirma tan katak maske kampaña loron 16 Ativismu tinan 2025 ensera ona maibe husu nafatin kontinuasaun iha asaun ba luta hasoru Kontra Violénsia hasoru feto no labarik-feto iha Timor-Leste.

Iha biban ne’e mós Xefe Misaun UN Women iha Timor Leste Amy Nishtha Satyam, iha mensagen reflete kona-ba progresu ne’ebé halo ona, papel joven sira nian iha nasaun ne’e no ita-nia kompromisu hamutuk atu hakotu violénsia dijitál no avansa direitus umanus ba ema hotu tanba ne’e tenke Unidu hodi Hakotu Violensia Hasoru Feto no Direitus Umanus ba Ema Hotu.

iha Sermónia enseramentu kampaña loron 16 Ativísmu Sekretaria Estadu ba Igualdade hamutuk ho parseiru sira, fahe mos subriña Negosiu nian ba Negosiate Abulante sira nomós ba maluk feto Sobrevivente sira.

Fontes: https://www.facebook.com/share/p/1AvUswj2mk/