Díli: 10 Dezembru tinan 2025_____ Sua Exelénsia Sekretária Estadub a Igualdade (SEI), Elvina Sousa Carvalho, partisipa iha Sorumutu Konsellu Ministru iha palasiu Governu, Dili, ne’ebe mak lideradu husi sua Exelénsia Primeiru Ministru Interino Atuál Vise-Primeiru Ministru, Ministru Koordenador ba Assuntu Sosiais, Eng, Mariano ASSANAMI Sabino.

Iha sorumutu Konsellu Ministrus halo analiza Roteiru Timor-Leste ba Dezenvolvimentu Merkadu Abitasionál ne’ebé aprezenta husi Ministru Planeamentu no Investimentu Estratéjiku, Gastão Francisco de Sousa. Dokumentu, ne'ebé nia elaborasaun hahú iha fulan-setembru 2025, estabelese baze ba polítika nasionál abitasaun nian ida ne'ebé koordenada no sustentável.

Iha sorumutu ne’e mos Konsellu Ministrus aprova projetu Rezolusaun Governu nian, ne'ebé hanaruk, to'o loron 30 fulan-juñu tinan 2026, períodu vijénsia suspensaun ba ensinu, aprendizajen no prátika artes marsiais no taka temporáriu ba fatin no instalasaun hotu-hotu ne’ebe destinadu ba ensinu, aprendizajen no prátika artes marsiais. Desizaun ne'e fó kontinuasaun ba Rezolusaun Governu n. 45/2023, loron 10 fulan-novembru, ne'ebé mak extende ona tuituir malu hosi Rezolusaun Governu n. 17/2024, loron 24 fulan-abríl, n. 60/2024, loron 7 fulan-novembru, no n. 22/2025, loron 7 fulan-abríl. Presupostu sira ne'ebé justifika suspensaun ne'e vigora nafatin, liuliu nesesidade atu hametin dame sosiál ne'ebé hetan ona dezde fulan-novembru 2023 no atu garante katak prátika artes marsiais sei bele halo de’it iha kontestu desportivu, hodi kontribui ba formasaun sívika no umanista ba joven sira.

Nune’e mos iha Sorumutu ne’e konsellu Ministrus mos autoriza Ministra Finansas asina akordu empréstimu, ne’ebé inklui komponente subvensaun, ho Banku Aziátiku Dezenvolvimentu (ADB), ho objetivu atu finansia “Projetu Hadi’a Estrada Nasionál (Faze I)”, inklui mos Konsellu Ministrus aprova kuadru kooperasaun kona-ba dezenvolvimentu sustentável, entre Governu Timor-Leste no Organizasaun Nasoins Unidas ba períodu entre tinan 2026 no 2030, ne’ebé aprezenta husi Ministru Negósius Estranjeirus no Kooperasaun, Bendito dos Santos Freitas nomos rezusaun sira seluk ne’ebe mak fo vantagen bai ha Timor-Leste.Atu informasaun Klaru bele Klink iha : https://timor-leste.gov.tl/?p=46372&lang=tp

# Média SEI# Fontes: https://www.facebook.com/share/p/1C8qVEmGMQ/