𝗗Í𝗟𝗜, 𝗠𝗝 — 𝗞𝗶𝗻𝘁𝗮-𝗳𝗲𝗶𝗿𝗮, 𝟭𝟭 𝗗𝗲𝘇𝗲𝗺𝗯𝗿𝘂 𝟮𝟬𝟮𝟱, Sua-Eselénsia Ministru Justisa Dr. Sérgio de Jesus Fernandes da Costa Hornai hasoru malu ho Sua-Eselénsia Embaixadór Japaun iha Timor-Leste, Tetsuya Kimura hodi halo serimónia despedida, iha sala Gabinete Ministru Justisa, Ministériu Justisa, Colmera, Díli.

Iha enkontru despedida ne’e, Ministru Justisa agradese ba kontribuisaun importante hosi Japaun ba setor Justisa, inklui apoiu ba kapasita profesonál sira, modernizasaun infraestrutura, no programa kooperasaun ne’ebé hala’o durante tinan sira nia servisu diplomátiku iha Timor-Leste.

Ministru Justisa, Dr. Sérgio Hornai hateten, relasaun entre Timor-Leste no Japaun sei kontinua forte, nune’e governu Timor-Leste bá iha kompromisu atu kontinua halo kooperasaun ne’ebé benefisia povu no dezenvolvimentu setór justisa.

Embaixadór Japaun iha Timor-Leste, Tetsuya Kimura, mos hato’o obrigadu ba Governu Timor-Leste, partikulamente Ministériu Justisa, tanba kooperasaun di’ak no relasaun profesonál ne’ebé hametin amizade entre nasaun rua.

Fontes: https://www.facebook.com/share/p/1hkesYtwvK/