Liquiça, 02 fulan-dezembru tinan 2025____Ekipa SEI Nasionál Sra. Cecilia Vieira Cabral no Sra. Fernanda R. Dos Santos Hamutuk ho Pontu Fokál SEI, Autuál Diratora Asaun Sosiál Munisípiu Liquiça Sra. Fátima Lurdes Alves, Hala’o Sosializasaun kona-ba Prevensaun Violénsia Bazeia ba Jéneru ba Estudante no Komunidade sira iha Eskola Tékniku Vokasional Lauhata no Eskola Sekundaria Publiku Hu Iso Lara Iso Munisípiu Liquiça iha ambitu Kampaña Loron 16 Ativizmu kontra Violénsia hasoru feto no Labarik-Feto ne’’ebé tinan ida ne’e hao tema “Hamutuk Hasa’e Konxiénsia Literásia Dijitál No Online

Seguru ba Feto no Labarik-Feto Iha Diversidade Hotu”

Sosializasaun ne’e nia objetivu mak atu hasa’e koñesimentu no konsiensia estudante no Komunidade sira nia atu halo Prevensaun no aplika iha sira nia Moris loron-loron no komunga la'e ba violénsia husi tipu oin-oin hanesan Violensia Fiziku, Violensia Psikolojiku, Violensia Seksuál asédiu seksuál liuhusi online no offline.

Sosializasaun hala’o iha Eskola Tékniku Vokasionál Lauhata, Suku Dato Aldeia, Camalelara no iha ESP Hu Iso Lara Iso Munisipiu Liquisa partisipa husi estudante no komunidade hamutuk 448, feto 156 no mane 292.

Fontes: https://www.facebook.com/share/p/17m6zTmwqz/