Díli-Kinta loron 18/12/2025, Ministériu Finansas realiza reuniaun Konsellu Konsultativu Ministériu Finansas (CCMF-sigla portugés), ne’ebé lidera direta husi S.E Ministra Finansas Sra. Santina José Rodrigues F. Viegas Cardoso, no Vise-Ministra Finansas Sra. Felícia Claudinanda Cruz Carvalho.

Objetivu husi reuniaun ne’e atu avalia dezempeñu, identifika problema no buka solusaun ba diresaun jerál sira hotu nian, nune’e Ministériu Finansas sai nu'udar servidór ne’ebé bele presta di’ak liután serbisu sira iha impaktu direta ba povu nia moris.

Diresau jerál sira iha Ministériu Finansas hanesan Autoridade Aduaneira, Autoridade Tributária, Institutu Nasionál Estatístika Timor-Leste, I.P, Unidade Apoiu Jurídiku, Unidade Monitorizasaun no Avaliasaun Dezempeñu, Unidade Sentru Kapasitasaun no Jestaun Finansas Públikas, Unidade Sistema Integradu no Informasaun Jestaun Finanseira, Unidade Inspesaun Jeál, Unidade Komunikasaun no Relasaun Públika, Gabinete Polítika no Jestaun Fundu Petrolíferu, Diresaun Jerál Servisu Korporativus, Diresaun Jerál Tezouru, Diresaun Jerál Jestaun no Mobilizasaun no Rekursu Esternu, Diresaun Jerál Jestaun Patrimoniu Estadu, Diresaun Jerál Planeamentu no Orsamentu.

Reuniaun ne’e hala’o iha sala auditorium Ministériu Finansas Aitarak-laran. Hetan prezensa másimu husi Komisáriu, prezidente INETL.IP inklui Diretór Jerál, Diretór Nasionál, Xefe Departamentu, nomós tékniku sira.

Fontes: https://www.facebook.com/share/p/1FVKR4iB3i